ក្រុម​មន្រ្តី​ជាន់ខ្ពស់​នៃ​អតីត​គណបក្ស​សង្រ្គោះ​ជាតិ​កាល​ពី​ថ្ងៃ​ទី​១​ខែ​ធ្នូ បាន​ប្រកាស​ជា​ថ្មី ពី​គម្រោង​វិលត្រលប់​មក​ប្រទេស​កម្ពុជា​វិញ​នៅ​ថ្ងៃទី៤ ខែ​មករា ឆ្នាំ​២០២១​ខាង​មុខ ដោយ​លើក​មូលហេតុ​ថា ជា​ការវិលត្រលប់​មក​វិញ តប​តាម​ដី​កា​កោះ​ហៅ​របស់​តុលារកាល​ពី​ពេល​កន្លង​ទៅ។ ក៏​ប៉ុន្តែ​ គណៈបក្ស​កាន់​អំណាច និង​អ្នក​វិភាគ​នយោបាយ​នៅ​កម្ពុជា ហាក់​មើល​ឃើញ​ថា​ជា​ការ​ឆ្លៀត​ឳកាស​កេង​ចំណេញ​ឥទ្ធិពល​និង ប្រជាប្រិយ​ភាព​នយោបាយ របស់​អតីត​គណៈ​បក្ស​ប្រឆាំង ព្រម​ទាំង​ជា​ការ​ដាក់​បន្ទុក​មួយ​បន្ថែម​ទៀត ពីលើ​រាជ​រដ្ឋាភិបាល​កម្ពុជា​អំឡុង​ពេល​ដែល​មាន​ការ​រីក​រាល​ដាល​ជំងឺ​កូវីដ​១៩​ចូល​ក្នុង​សហគមន៍​។