ម្សិលមិញ ​អាជ្ញាធរ​រាជធានី​ភ្នំពេញ​បានប្រកាស​ឱ្យដឹងថា​ គ្រោងនឹង​អនុញ្ញាតឱ្យ​ក្រុមគ្រួសារ​អ្នកស្លាប់​ដោយសារ​តែជំងឺ​កូវីដ១៩ ​អាចស្នើសុំ​យកសព​ទៅបញ្ចុះជាលក្ខណៈ​ឯកជន​។​ ប៉ុន្តែ ​អាជ្ញាធរ​បានអះអាងថា ​ពួកគេត្រូវ​អនុវត្ត​ទៅតាម​ការណែនាំ ​និងវិធានការ​នានា ​ដើម្បី​ធានាថា​ ក្នុងអំឡុងពេល​បញ្ចុះសពនោះ ​គឺមិនមាន​ការឆ្លងរាលដាល​ជំងឺ​កូវីដ១៩​ទៅកាន់អ្នកដទៃ​។​ ជាការកត់សម្គាល់ ​ការសម្រេចនេះ ​ធ្វើឡើង​ស្របពេល​ចំនួន​មនុស្សស្លាប់​ដោយសារតែ​ជំងឺកូវីដ១៩​នៅក្នុងរាជធានី​ភ្នំពេញ​បានបន្ត​កើនឡើង​គួរឱ្យព្រួយបារម្ភ​ និងចំពេល​ដែលស្ថានភាព​ឆ្លងរាលដាលជំងឺ​កូវីដ១៩​នៅមិនទាន់ថយថម​នៅឡើយ។​ ​ដូច្នេះ ​តើវាជាជម្រើស​ល្អទេ​ក្នុងការអនុញ្ញាត​ឱ្យក្រុមគ្រួសារ​អាចបញ្ចុះសព​អ្នកស្លាប់​ដោយកូវីដ១៩​ដោយខ្លួនឯង​បែបនេះ?​