ខេត្ត​សៀមរាប នឹង​មាន​ផ្លូវ​ខ្វាត់​ខ្វែង​ក្នុង​លក្ខណៈ​ជា​ទីក្រុង​វ័យឆ្លាត​ ឬ​ Smart City ​នៅ​ក្នុង​ឆ្នាំ​២០២១​ខាង​មុខ​នេះ​។ ប្រ​មុ​ខ​រដ្ឋាភិបាល​កម្ពុជា​បាន​ប្រកាស​ទម្លាក់​កញ្ចប់​ថវិកា​ចំនួន​១៥០​លាន​ដុល្លារ​អាមេរិក​ ដើម្បី​សាងសង់​ផ្លូវ​ចំនួន​៣៨​ខ្សែ​នៅ​ក្នុង​ខេត្ត​សៀមរាប​ដែល​ជា​តំបន់​ទេសចរណ៍​ដ៏​ធំ​បំផុត​របស់​កម្ពុជា​។ អាជ្ញាធរ​ខេត្ត​សៀមរាប​ និង​អ្នក​ជំនាញ​ផ្នែក​ទេស​ចរណ៍​បាន​បង្ហាញ​ការ​មើល​ឃើញ​ស្រដៀង​គ្នា​ថា​ គម្រោង​សាងសង់​ផ្លូវ​ចំនួន​៣៨​ខ្សែនេះ​ នឹង​ជួយ​ទាក់ទាញ​ភ្ញៀវ​ទេសចរ​ទាំង​ជាតិ​ និង​ អន្តរជាតិ​ឱ្យ​មក​លេង​កម្សាន្ត​នៅ​ក្នុង​ខេត្ត​សៀមរាប​កាន់​ច្រើន​ឡើង​បន្ថែម​ទៀត​ បន្ទាប់​ពី​ការ​រីករាល​ដាល​នៃ​ជំងឺ​កូវីដ​ ១៩​ត្រូវ​បាន​បញ្ចប់​។