July 10, 2020

ព្រឹត្តិការណ៍កម្ពុជាប្រចាំថ្ងៃ - តើការស្នើសុំឲ្យមានគណៈកម្មការឯករាជ្យ ស៊ើបអង្កេតលើឃាតកម្មលោក កែម ឡី អាចធ្វើទៅបានទេ?

11 minutes

នៅក្នុងឱកាសនៃការរំលឹកខួប៤ឆ្នាំនៃឃាតកម្មលើលោកបណ្ឌិត កែម ឡី អ្នកវិភាគសង្គម និងនយោបាយដ៏ល្បីល្បាញ ក្រុមអង្គការសង្គមស៊ីវិលចំនួន៣០អង្គការ កាលពីថ្ងៃទី០៩ ខែកក្កដា ម្សិលមិញ បានចេញសេចក្តីថ្លែងការណ៍រួមមួយ ទទូចឲ្យអាជ្ញាធរបង្កើតគណៈកម្មការស៊ើបអង្កេតដោយឯករាជ្យ និងឥតលម្អៀងលើសំណុំរឿងបាញ់សម្លាប់លោក កែម ឡី។ ការទាមទាររបស់ក្រុមអង្គការសង្គមស៊ីវិលដូច្នេះ ធ្វើឡើង ក្រោយអាជ្ញាធរកម្ពុជាបានចាប់ខ្លួនជនដៃដល់ឈ្មោះ អឿត អាង ហៅជួប សំលាប់ និងបានដាក់ទោសឲ្យជាប់ពន្ធនាគារអស់មួយជីវិត។ ក៏ប៉ុន្តែក្រុមអង្គការសង្គមស៊ីវិលនៅតែមានការមន្ទិលដោយសារសំណុំរឿងនេះ មានអ្នកទទួលខុសត្រូវតែជួប សំលាប់ ម្នាក់ឯង។ តើការស្នើសុំឲ្យមានគណៈកម្មការស៊ើបអង្កេតដោយឯករាជ្យលើសំណុំរឿងឃាតកម្ម លោក កែម ឡី មានប្រសិទ្ធភាពដែរឬទេ?

...more