នៅក្នុងចំណោម​អ្នកនយោបាយ​របស់អតីតបក្សប្រឆាំងជាង២០រូប​ដែល​បាន​សុំ​សិទ្ធិ​ធ្វើ​នយោបាយ​ឡើង​វិញ គឺពួកគេហាក់ដូចជា​មិន​មានឧបសគ្គអ្វីសោះឡើយ ពោល​ដាក់​ពាក្យ​ទៅ​ក្រសួងមហាផ្ទៃ​ភ្លាម​ សំណើរបស់ពួកគេត្រូវបាន​បញ្ជូនទៅដល់ដៃនាយករដ្ឋមន្ត្រី និង​មានព្រះរាជក្រឹត្យផ្តល់​នីតិសម្បទាឡើងវិញពីព្រះមហាក្សត្រ។ ប៉ុន្តែ​នៅ​ដំណាក់​កាល​ចុង​ក្រោយនេះ​​ ​អ្នកនយោបាយ២រូប​របស់​អតីតគណបក្សប្រឆាំង បែរជាជួបឧបសគ្គ​ក្នុង​ការទទួលបាន​សិទ្ធិ​នយោបាយ​ទៅ​វិញ ដូចជាលោក ជួង ជូងី ​ដែល​ស្គាល់ថា​ជាមនុស្ស​ស្និទនឹង លោក សម រង្ស៊ី និងលោក ញឹម គឹមញ៉ុល សមាជិកគណៈកម្មាធិការនាយកនៃអតីតគណបក្សសង្រ្គោះជាតិ មិនត្រូវបាន​ផ្តល់សិទ្ធិ​ធ្វើ​នយោបាយ​ឡើងវិញនៅឡើយ។ ហេតុអ្វី?