លោកឧបនាយករដ្ឋមន្ត្រី​ ស ខេង ​រដ្ឋមន្ត្រី​ក្រសួង​មហាផ្ទៃ​កម្ពុជា ​បានធ្វើដំណើរ​ទៅកាន់​ប្រទេសបារាំង​រយៈពេល២​សប្តាហ៍ ​គឺចាប់ពី​ថ្ងៃទី២២ ​ខែសីហា​ ដល់ថ្ងៃទី​០៥ ខែកញ្ញា ​ឆ្នាំ២០២១នេះ ​ដោយខុទ្ធកាល័យរ​បស់លោកបញ្ជាក់ថា ​ជាដំណើរ​ដែលមានធុរៈ​ផ្ទាល់ខ្លួន​។ ​ស្របពេលដែល​ភាពចម្រូងចម្រាស​ផ្នែកនយោបាយ​កម្ពុជា​នៅតែបន្ត​កើតមាន ​ទស្សនកិច្ច​ជាឯកជន​របស់លោក​ ស ខេង​ ត្រូវបានគេ​មើលឃើញពីជ្រុង​ផ្សេងៗគ្នា ​ដែលក្នុងនោះ​ដំណឹង​ពីការចរចានយោបាយ​រវាងលោក​ ស ខេង ​ជាមួយមន្ត្រី​អតីតបក្ស​ប្រឆាំង ​និងការបំផុសព័ត៌មាន​ឲ្យមានការទាក់ទាញ ​ក៏ត្រូវបានលើកយកមកនិ​យាយផងដែរ​។​ តើពិតជាមានអ្វី​នៅពីក្រោយវត្តមាន​របស់លោក​ ស ខេង​ នៅប្រទេសបារាំង​មែនឬយ៉ាងណា ​ក្រៅពីធុរៈ​ផ្ទាល់ខ្លួន​?