គណៈកម្មការ​អឺរ៉ុប​ កាល​ពី​ថ្ងៃ​ទី​១២​ខែ​សីហា​ បាន​សម្រេច​ដក​ភាព​អនុគ្រោះពន្ធ​ អ្វីៗ​ទាំងអស់​លើក​លែង​តែ​សព្វាវុធ​(EBA)​២០%​ជា​ផ្លូវការ​ពី​កម្ពុជា​ ដែល​ការ​សម្រេច​នេះ​ធ្វើ​ឲ្យ​ប៉ះពាល់​ដល់​ផល​ប្រយោជន៍​មួយ​ចំនួន​របស់​អ្នក​វិនិយោគ​ជា​ពិសេស​វិស័យ​កាត់ដេរ​ និង​ផលិត​ស្បែកជើង​ ព្រម​ទាំង​ជះឥទ្ធិពល​ទៅ​ដល់​កម្មករ​ និយោជិត​ផង​ដែរ​។ ជុំវិញ​បញ្ហា​នេះ​ ក្រុម​អ្នក​សហជីព​ ដែល​បំរើ​ការងារ​ក្នុង​វិស័យ​ឧស្សាហកម្ម​កាត់ដេរ​ និង​ដេរ​ស្បែកជើង​ បាន​សម្តែង​នូវ​យោបល់​ផ្សេងៗ​គ្នា​ ខណៈ​ដែល​កម្ពុជា​នៅ​មាន​ឱកាស​នៅ​ឡើយ​ក្នុង​ការ​ទទួល​បាន​មក​វិញ​១០០%​នៃ​ EBA​។