«មិនត្រូវមានទស្សនៈថា អ្នកសរសេរអត្ថបទអវិជ្ជមាន សុទ្ធតែអ្នកប្រឆាំង» នេះ​ជា​ការ​លើក​ឡើង​របស់​រដ្ឋ​មន្ត្រី​ក្រសួង​ព័ត៌មាន​លោក​ ខៀវ កាញារីទ្ធ កាល​ម្សិល​មិញ​ នៅ​ក្នុង​វេទិកា​ពិភាក្សា​វាយ​តម្លៃ​សកម្មភាព​ស្តីពី​សន្និសីទ​សារ​ព័ត៌មាន​ ដែល​រៀប​ចំ​ឡើង​ដោយ​អង្គភាព​អ្នក​នាំ​ពាក្យ​រដ្ឋាភិបាល​។ ការ​លើក​ឡើង​នេះ​ទទួល​បាន​ការ​ស្វាគមន៍​សម្រាប់​អ្នក​កាសែត​ទូទៅ​ និង​ដោយ​ឡែក​ចំពោះ​មន្ត្រី​សិទ្ធិ​មនុស្ស​មួយ​ចំនួន​នៅ​កម្ពុជា​។ ដើម្បី​គេច​ផុត​ពី​ការ​ចោទ​ប្រកាន់​នេះ​អ្នក​កាសែត​ជើង​ចាស់​មួយ​ចំនួន​បាន​លើក​ឡើង​ថា​ កាលៈទេសៈ​ខ្លះ​អ្នក​សសេរ​គួរ​ថយ​មួយ​ជំហ៊ាន​ដើម្បី​ទុក​ពេល​ឲ្យ​មន្ត្រី​ស្រាវ​ជ្រាវ​បន្តិច​សិន​។ ចំណែក​មន្ត្រី​ក៏​ត្រូវ​ស្វែងយល់​សិន​មុន​នឹង​វាយតម្លៃ​ថា ម្ចាស់​សំណេរ​ជា​អ្នក​ប្រឆាំង​។