តួលេខ​នៃ​ការ​ឆ្លង​ជំងឺ​កូវីដ​សហគមន៍​ បាន​ហក់​ឡើង​ខ្ពស់​រហូត​ដល់​ ៥៧៦នាក់​ កាល​ពី​ថ្ងៃ​សុក្រ​ម្សិលមិញ​ ដែល​តួលេខ​នេះ​ ត្រូវ​គេ​មើល​ឃើញ​ថា​ជា​ចំណុច​ប្រកាស​អាសន្ន​មួយ​ ដែល​ទាមទារ​ឲ្យ​មាន​វិធានការ​តឹងរឹង​បន្ថែម​ទៀត​ ជា​ពិសេស​សម្រាប់​ពលរដ្ឋ​នៅ​ទីក្រុង​ភ្នំពេញ​។ អ្នក​វិភាគ​សង្គម​នានា​មើល​ឃើញ​ថា​ រដ្ឋាភិបាល ​និង​អ្នក​ពាក់ព័ន្ធ​គប្បី​មាន​យន្តការ​ជាក់លាក់​ ដ៏​មាន​ប្រសិទ្ធភាព​ផ្សេងៗទៀត​ ខណៈ​ដែល​វិធានការ​ទប់ស្កាត់​ការ​ឆ្លង​រាលដាល​នៃ​ជំងឺកូវីដ-១៩​ ដែល​កំពុង​អនុវត្ត​រាល់ថ្ងៃ​ហាក់​ដូចជា​មិន​មាន​ប្រសិទ្ធភាព​ទាល់​តែ​សោះ​។