August 22, 2020

ព្រឹត្តិការណ៍កម្ពុជាប្រចាំថ្ងៃ - តើរដ្ឋមន្រ្តីការបរទេសជប៉ុនអាចលើកឡើងពីបញ្ហាសិទ្ធិមនុស្សនៅក្នុងជំនួបជាមួយថ្នាក់ដឹកនាំកម្ពុជាដែរឬទេ?

9 minutes

នៅព្រឹកថ្ងៃសៅរ៍នេះ រដ្ឋមន្រ្តីការបរទេសជប៉ុននឹងជួបជាមួយលោកនាយករដ្ឋមន្រ្តីកម្ពុជា ហ៊ុន សែន និងបន្តជួបពិភាក្សាការងារជាមួយរដ្ឋមន្រ្តីការបរទេសកម្ពុជានាពេលរសៀល។ លោកបានមកដល់ប្រទេសកម្ពុជាកាលពីល្ងាចមិញ ដើម្បីបំពេញទស្សនកិច្ចផ្លូវការចាប់ពីថ្ងៃទី២១ សីហា ដល់ថ្ងៃទី២៣ ខែសីហា។ អង្គការឃ្លាំមើលសិទ្ធិមនុស្សអន្តរជាតិ និង អតីតបក្សប្រឆាំងនៅក្រៅប្រទេសបានស្នើឱ្យរដ្ឋមន្រ្តីការបរទេសជប៉ុនលើកយកបញ្ហាសិទ្ធិមនុស្សទៅនិយាយជាមួយលោកនាយករដ្ឋមន្រ្តីហ៊ុន សែន និង លោកប្រាក់ សុខុន។ ប៉ុន្តែ មន្រ្តីសិទ្ធិមនុស្សរដ្ឋាភិបាល និង អ្នកជំនាញវិទ្យាសាស្រ្តនយោបាយ និងទំនាក់ទំនងអន្តរជាតិជឿជាក់ថា រដ្ឋមន្រ្តីការបរទេសជប៉ុននឹងមិនលើកពីបញ្ហាណាមួយដែលនាំឱ្យប៉ះពាល់ទំនាក់ទំនងជាមួយកម្ពុជា ព្រោះជប៉ុនជាប្រទេសគោរពភាពមិនជ្រៀតជ្រែកចូលកិច្ចការផ្ទៃក្នុងនៃប្រទេសដទៃ។

...more