ក្រសួង​យុត្តិធម៌​បើក​ទ្វារ​ស្វាគមន៍​អង្គការ​សង្គម​ស៊ីវិល មក​ធ្វើ​ការ​ជាមួយ ដោយ​ក្រសួង​មិន​ចង់​ឃើញ​អង្គការ​សង្គម​ស៊ីវិល​ប្រើ​អំណាច​ដោយ​គ្មាន​ច្បាប់​ចែង ហើយ​លូក​ដៃ​ចូល​ទៅ​ក្នុង​ប្រព័ន្ធ​តុលាការ​កម្ពុជា ហើយ​ធ្វើ​របាយការណ៍​នោះ​ទេ​។ នេះ​ជា​ការ​លើក​ឡើង​របស់​លោក កើត រិទ្ធ រដ្ឋមន្ត្រី​ក្រសួង​យុត្តិធម៌ នៅក្នុង​ថ្ងៃ​ប្រកាស​យុទ្ធនាការ​ដោះស្រាយ​បញ្ហា​កកស្ទះ សំណុំរឿង​នៅ​តាម​សាលាដំបូង​រាជធានី-ខេត្ត នៅថ្ងៃ​ទី១៨ ខែ​ឧសភា​នេះ។ សង្គម​ស៊ីវិល ស្វាគមន៍​ចំពោះ​ការ​បើក​ទ្វារ​ឲ្យ​មាន​ការ​ធ្វើ​ការ​ជាមួយ​គ្នា​រវាង​ក្រសួង​យុត្តិ​ធម៌ និង​សង្គម​ស៊ីវិល ពាក់​ព័ន្ធ​នឹង​យុទ្ធនាការ​ថ្មី​របស់​ក្រសួង​នា​ពេល​នេះ​។