អឺរ៉ុបកំពុង​ក្លាយ​ជា​ចំណុច​ផ្ទុះ​កូវីដ​១៩​ខ្លាំង​ជា​ថ្មី។ ចំនួន​អ្នក​ឆ្លង​ថ្មី​បាន​កើន​ឡើង​ជា​ទូទៅ​ នៅ​ទូទាំង​ទ្វីប។ បើ​តាម​អង្គការ​សុខភាព​ពិភពលោក ក្នុង​ចំណោម​អ្នក​វិជ្ជមាន​កូវីដ១៩​ជិត​ពីរ​លាន​នាក់កាលពី​សប្តាហ៍​មុន ​ ភាគ​ច្រើន​ជា​ពលរដ្ឋ​រស់​នៅ​អឺរ៉ុប។ គឺ​ជា​ចំនួន​​ដ៏​ច្រើន​បំផុត​ គិត​ចាប់​តាំង​ពី​ផ្ទុះ​កូវីដ​នៅ​ដើម​ឆ្នាំ​២០២០មក។ អ្នក​ជំនាញ​រំពឹង​ថា​ថ្វី​បើ​ចំនួន​អ្នក​ឆ្លង​ថ្មី​កើន​ឡើង​ជា​ថ្មី​មែន ប៉ុន្តែ​ចំនួន​អ្នក​ចូល​ព្យាបាល​ក្នុង​មន្ទីរ​ពេទ្យ និង​ស្លាប់​ នឹងមិន​កើន​ឡើង​តាម​​ទេ ព្រោះ​ការនេះ​អាស្រ័យ​ជា​បឋម​ទៅ​លើ​កំរិត​នៃការ​ចាក់​ថ្នាំបង្ការ។