Buro de Vries (Podcast)

Boskwachter Jacob Hanenburg fan Steatsbosbehear rint mei it Buro troch de Twizeler Mieden by Bútenpost. Ferline wike fûnen we yn it wetter seldseme soarten mei de prachtigste nammen lykas it Bargesturtsje en Sint Jans Sompekrûd. No sjogge we wat der allegear groeit en bloeit op de drûge stikken fan de Twizeler Mieden.

De melkfeehâlderij yn Fryslân moat 'grondgebonden' en duorsumer mar hat wol in goeie takomst. En de polityk moat minder mei regels en mear mei doelen wurkje. Dat sizze de lânbouadviseurs Johannes Bakker en Oane Galama. Ek demisjonêr minister fan lânbou Piet Adema leaut yn in 'grondgebonden' melkfeehâlderij en wol boeren helpe om de oerstap nei dizze foarm fan buorkjen te meitsjen. Bakker, Galama en Adema fertelle dit yn in dokumintêre fan it radioprogramma Buro de Vries. 

It is in eksploasje fan de moaiste blommen en planten yn de Twizeler Mieden by Bútenpost. Werstelwurksemheden yn dit natoergebiet dogge fertúten en soargje derfoar dat hyltyd mear seldseme planten har hjir thúsfiele. Buro de Vries gie mei boskwachter Jacob Hanenburg fan Steatsbosbeheer it gebiet yn op syk nei dy planten. De learzens moatte oan want ek yn it wetter is fan alles te finen

Mear as tsientûzen kuierders rinne sneon 15 juny de Slachtemaraton. 42 kilometer rinne oer de Slachtedyk, de âlde seedyk dy't Fryslân eartiids beskermde tsjin it wetter. Ast mei safolle minsken tagelyk de Slachtemaraton rinst, hast net altyd tiid om goed om dy hinne te sjen, whylst hast stroffelst oer de skiednis. Kultuurhistoarika Stefien Smeding fan it Fryske Gea kent de ferhalen fan de Slachtedyk en nimt it Buro mei de dyk op.

De fan oarsprong Israëlyske Hagar Neter hie der miskien nea west sûnder de âlders fan Trienke Friso. Yn de Twadde Wrâldoarloch hat it gesin Friso út Wynterp Joadske ûnderdûkers opnaam, wêrûnder de heit fan Hagar. No hast 80 jier letter, fertelt de njoggentich jierrige Trienke noch altyd oer dy perioade. Tegearre mei Hagar wol se sa de wearde fan begryp en minsklikheid yn libben hâlde. Ferslachjouwer Johanna Brinkman moetet de beide froulju yn Minnertsgea, by Hagar thús yn de wenkeamer. Hagar hat har freonengroep útnoege om te harkjen nei Trienke's ferhaal, dêr't leafde yn de meast tsjustere tiiden it ferskil meitsje koe.  

Sailwise organisearret al fyftich jier wettersportfakânsjes foar minsken mei in beheining: in lichamelike, in beheining oan earen of eagen of in ferstandelike beheining. It betsjut in wike of langer yn in oare omjouwing, mei oare minsken en aktyf meidwaan oan  aktiviteiten as sile, kanoë, suppe en swimme. Yn Ealehuzen hat Sailwise de akkommodaasje 'it Sailhûs'. In grut gebou mei mienskiplike romtes en oanpaste apparteminten dêr't de fakânsjegongers ferbliuwe kinne.  Yn dy fyftich jier hat Sailwise in hiele ûntwikkeling trochmakke. Dêr prate we oer mei direkteur Renske Rietbergen. En we hearre dielnimmers en frijwilligers oer harren ûnderfining mei Sailwise.    

Begraafplakken binne foar in soad minsken in plak fan rêst en besinning. Mar se binne faak wol wat netsjes en oanharke. De gemeente Noardeast-Fryslân wol hjir feroaring ynbringe. Ek foar fûgels, flearmûzen en ynsekten moat sa'n begraafplak in oäze fan rêst wurde. En dus wurdt der fan alles oan dien om dy bisten wolkom te hjitten. Klazina Hofstee gie mei Theo van der Horn fan de gemeente Noardeast-Fryslâ nei it begraafplak fan Burdaard.

It frouljuskeatsen bestiet dit jier 50 jier. Op pinkstersnein organisearre keatsferiening Hâld Moed yn Jorwert de earste offisjele wedstriid foar froulju holden. It wie in ôfdielingswedstriid en kin sjoen wurde as it offisjeuze Nederlânsk kampioenskip. Om dit te fieren organisearre de keatsferiening in jûn werby't alle winners fan de Wiebe Koldykpartij, dy't sûnt dy tiid op pinkstersnein ferkeatst wurdt, útnûge wiene. Presintator Geartsje de Vries ûntfong yn trije blokjes trije generaasjes oan tafel om mei harren te praten oer har karriêre en oer it keatsen foar froulju yn it algemien. 

Douwe Reekers, Anne van Randen en René Bekkema hiene in 'bijna dood ervaring'. Se kamen yn in prachtige wrâld mei ljocht leafd en waarmte. Mar moasten werom. It hie grutte gefolgen foar harren libben. Sy binne wis fan harren ferhaal mar de omjouwing kin it faak mar dreech begripe. 

Wybren Bruinsma fan Winsum is gauris yn it fjild te finen, dwaande mei de neisoarch of oan it jeien. It Buro luts dêrom de learzens oan en gie mei him op paad. Yn de Húnser polder, lân fan boer Marten de Jong is in hiel soad te sjen en Wybren mei der graach oer fertelle.