នៅ​សហរដ្ឋអាមេរិក លោកប្រធានាធិបតី​ ចូ បៃដិន កាលពីថ្ងៃសៅរ៍ ទី ១៤ មករា បាន​ប្រកាស​ស្ថានភាពគ្រោះមហន្តរាយធម្មជាតិធ្ងន់ធ្ងរ នៅ​រដ្ឋ​កាលីហ្វ័រនីញ៉ា ភាគខាងលិច​ប្រទេស។ រដ្ឋ​ដែល​ធ្លាប់តែ​រងគ្រោះ​ដោយសារ​ភាពរាំងស្ងួត ហួតហែង គ្មានទឹកភ្លៀង ២ទសវត្សរ៍​មកហើយ កំពុង​មក​ជួប​​គ្រោះទឹកជំនន់ ទឹកភ្លៀង។ តាម​ទីភ្នាក់ងារ​អាកាសធាតុ​អាមេរិក រដ្ឋ​កាលីហ្វ័រនីញ៉ា​ត្រូវ​ជួប​គ្រោះខ្យល់ព្យុះទឹកភ្លៀងសាជាថ្មី នៅយប់ថ្ងៃអាទិត្យនេះ។​ នៅ​រដ្ឋ​កាលីហ្វ័រនីញ៉ា ខ្យល់ព្យុះរដូវរងា ព្យុះទឹកភ្លៀងនិងទឹកជំនន់ នៅ​ប៉ុន្មានសប្តាហ៍មកនេះ​​បាន​សម្លាប់មនុស្ស​១៩នាក់ ចំណែក​មនុស្ស​ជាច្រើនម៉ឺននាក់​ត្រូវ​ជម្លៀស​ចេញពីផ្ទះសម្បែង។ ​កាលីហ្វ័រនីញ៉ា រដ្ឋដែលធ្លាប់ស្គាល់តែគ្រោះរាំងស្ងួតហួតហែង ត្រូវ​មកជួបរងគ្រោះដោយសារ​ទឹកជំនន់ធ្ងន់ធ្ងរ​មិនធ្លាប់មាន