ថ្ងៃទី​៣១ធ្នូ ​​នៅតែប៉ុន្មាន​ម៉ោងទៀត គឺ​ដាច់​ឆ្នាំចាស់​ហើយ។ ​ពេញ​មួយ​ឆ្នាំ២០២២ តើមាន​ព្រឹត្តិការណ៍​អ្វី​ខ្លះ​សំខាន់ៗ ​ដែល​គួរ​កត់​សម្គាល់​? ​

ស្ទើរតែ​ពេញ​មួយ​ឆ្នាំនេះ ពិភព​លោក ​ហាក់​បាន​ធូរ​ស្រាល​បន្តិច​វិញពីជំងឺ​កូវីដ១៩​ ហើយ​មជ្ឈដ្ឋាន​ជាទូទៅ​ ហាក់​ដូចជា​លែង​សូវ​ព្រួយ​ខ្លាច​ខ្លាំ​ង​ពី​ជំងឺ​។ នេះទំនង​​​ព្រោះតែ​បាន​ចាក់​វាក់សាំង​ច្រើនគ្នា​ ហើយ ​រដ្ឋាភិបាល​នីមួយៗ ក៏​បាន​​បើកចំហ​ប្រទេស​ឡើងវិញដែរ​។ ​ ប្រទេស​លោក​ខាងលិច​ ហាក់​ចាប់ផ្តើម​ព្រួយ​បន្តិច​វិញ នៅពេល​ឮថា ចិន​ បើក​ប្រទេស​ និង​ឲ្យ​ពលរដ្ឋ​ខ្លួន​ចេញ​ទៅបរទេស​។​​