នៅ​ក្នុង​ប្រទេស​ចិន ពលរដ្ឋ​ក្នុង​ក្រុង​វូហាន​បាន​ថ្លែង​ក្នុង​ថ្ងៃ​ចន្ទ ទី២៣ មករា​ពី​ការ​បិទ​ទំព័រ​កូវីដ១៩ និង​បាន​ផ្តើម​មាន​ជីវិត​រស់នៅ​ប្រចាំ​ថ្ងៃ​ជា​ធម្មតា​ឡើង​វិញ។ គួរ​រម្លឹក​ថា​ក្នុង​រយៈពេល ៣ឆ្នាំ វូហាន​ក៏​ដូច​ជា​ទីក្រុង និង​តំបន់​ផ្សេង​ទៀត​របស់​ចិន​ត្រូវ​បាន​រដ្ឋអំណាច​បិទខ្ទប់​ដើម្បី​ទប់​ស្កាត់​នឹង​ការ​ឆ្លង​រាតត្បាត​ដោយ​កូវីដ១៩។ គឺ​ទើប​ថ្មីៗ​នេះ​ដែល​រដ្ឋាភិបាល​ក្រុង​ប៉េកាំង​បាន​សម្រេច​បើក​ប្រទេស​ទាំង​ស្រុង​ឡើង​វិញ។ តែ​អ្វី​ដែល​គ្រប់​គ្នា​បាន​សម្លឹង​ឃើញ​ពេល​នេះ ចិន​កំពុង​ស្គាល់​ការ​វាយ​លុក​ពេញ​ទំហឹង​ពី​កូវីដ១៩ ខណៈ​ដែល​ចិន​ទើប​បោះ​ជំហាន​ចូល​ឆ្នាំ​ថ្មី។