នៅក្នុងសុន្ទរកថាប្រចាំឆ្នាំចំពោះមុខសភា ថ្ងៃអង្គារ ទី៧កុម្ភៈ​​ ប្រធានាធិបតីអាមេរិក ចូ បៃដិនលើកឡើងពីការគំរាមកំហែងអាកាសធាតុ បញ្ហាប្រឈមជាមួយចិន សង្គ្រាមអ៊ុយក្រែន ក៏ដូចជាបញ្ហានយោបាយក្នុងស្រុកអាមេរិក។ ​ជាប្រពៃណីទៅហើយ ដែល​ ប្រធានាធិបតីសហរដ្ឋអាមេរិក ត្រូវ​ថ្លែង​សុន្ទរកថា​​ក្នុង​អាណត្តិ​របស់ខ្លួន ស្តីពី​ស្ថានភាព​ស្រុកទេស​និង​ពិភពលោក នៅ​ចំពោះ​មុខ​សមាជិក​សភា​ Congrès ។ តាមរយៈ​សុន្ទរកថា ​គឺលោក ចូ បៃដិន ក៏​បង្ហាញពី​ចេតនាចង់ប្រកួត​​​ក្នុងការ​បោះឆ្នោត​ប្រធានាធិបតី ម្តងទៀត នៅឆ្នាំ​២០២៤។​