ករណី​ស្រាវ​ជ្រាវ​និង​បង្រ្កាប​បទ​ល្មើស​ទន្រ្ទាន​ដី​ព្រៃ​លិច​ទឹក​បឹង​ទន្លេ​សាប បាន​ឈាន​មក​ដល់​ការ​បូក​សរុប​ជា​របាយការណ៍​រួម​មួយ និង​ការ​ឃាត់​ខ្លួន​មន្ត្រី​មួយ​ចំនួន​ពី​សំណាក់​អង្គភាព​ប្រឆាំង​អំពើ​ពុក​រលួយ​។ បើ​តាម​របាយការណ៍ ត្រឹម​ថ្ងៃ​ទី​១៧​ធ្នូ លោកជា សុផារ៉ា រដ្ឋមន្ត្រី​ក្រសួង​រៀប​ចំ​ដែនដី អះអាង​ថា មាន​ការ​ទន្រ្ទាន​ដី​ព្រៃ​លិច​ទឹក​សរុប​ចំនួន​៤​ម៉ឺន​ហិកតា​។ ឯ​ខាង​អង្គភាព​ប្រឆាំង​អំពើ​ពុក​រលួយ​វិញ ក៏​បាន​ឃាត់​ខ្លួន​មន្ត្រី​ខេត្ត​កំពង់​ឆ្នាំង​ពីរ​រូប ជុំវិញ​ករណី​នេះ។ ក្នុង​ករណី​នេះ អ្នក​តាម​ដាន​សង្គម ស្នើ​ឲ្យ​មាន​ការ​ទទួល​ខុស​ត្រូវ​ជា​ប្រព័ន្ធ​។