ចិន ប្រទេស​ដែលមាន​ប្រជាជនច្រើនជាងគេ​ នៅក្នុងពិភពលោក​បាន​ស្គាល់​ការធ្លាក់ថយចុះ ចំនួន​ប្រជាជន ជាលើកទី១ នៅក្នុង​រយៈពេល​៦០ឆ្នាំមកនេះ។ តាមតួលេខផ្លូវការ​ ការិយាល័យ​ស្ថិតិ ជាតិ​ចិន ចុះផ្សាយ​នៅថ្ងៃ​អង្គារទី​១៧ មករា ចំនួន​ប្រជាជនជន​ចិន​បានធ្លាក់ថយចុះ​អស់ ៨សែន ៥ម៉ឺននាក់ នៅ​ឆ្នាំ ២០២២។ ចំនួន​ប្រជាជន​ធ្លាក់ថយចុះហើយ ចិន​នៅ​ឆ្នាំ ២០២២ ក៏មានកំណើន​សេដ្ឋកិច្ច តែ ៣% គឺ​ធ្លាក់ចុះទាប ជាង​ការព្យាករទុក​របស់​រដ្ឋាភិបាល។ តើ​ការធ្លាក់ថយចុះ​ចំនួន​ប្រជាជន ជា​សញ្ញា​នៃ​ការធ្លាក់ចុះ សេដ្ឋកិច្ច​របស់​មហាយក្ស​ចិន? វិបត្តិ​ប្រជាសាស្រ្ត​នឹង​ជះផលអាក្រក់អ្វីខ្លះ​លើ​សេដ្ឋកិច្ច​ចិន និង​សេដ្ឋកិច្ច​ពិភពលោក