របាយការណ៍​ស្តីពី​ចំនួន​ប្រជាពលរដ្ឋ​ខ្មែរ និង​ភ្ញៀវទេសចរ​បរទេស​ដើរលេង​កម្សាន្ត​នៅក្នុង​ពិធីបុណ្យ​ចូលឆ្នាំខ្មែរ​រយៈពេល​៤​ថ្ងៃ ពីថ្ងៃ​ទី​១៣ ​ដល់​១៦ ខែ​មេសា ​ឆ្នាំ​២០២៤ ​បង្ហាញថា​មានចំនួន​ភ្ញៀវទេសចរ​សរុប​ជាង ២១​លាន​នាក់​។ តួលេខនេះ​បង្កឲ្យមាន​ការ​ជជែកគ្នា​ច្រើន​នៅក្នុង​ចំណោម​មហាជន ​ខណៈដែល​ចំនួនពលរដ្ឋ​ខ្មែរ​ទូទាំង​ប្រទេស​មាន​ត្រឹមតែ ​១៧លាន​នាក់​ប៉ុណ្ណោះ​។ ដូច្នេះ​សួរថា ​អ្វីទៅ​ជា​វិធីសាស្ត្រ​នៃការ​រាប់តួលេខ​ចំនួន​ភ្ញៀវទេសចរ​ក្នុងពេល​បុណ្យចូលឆ្នាំ​រយៈពេល​៤ថ្ងៃ ​និង​ថា​តើ​តួលេខនេះ​អាច​ឆ្លុះបញ្ចាំង​អ្វីខ្លះ​ពីសក្តានុពល​នៃ​ភ្ញៀវទេសចរ​ជាតិ ​និង​អន្តរជាតិ​នៅក្នុង​ប្រទេស​កម្ពុជា​?