នៅ​សហរដ្ឋអាមេរិក ប្រធាន​ប្រតិបត្តិការ​ទ័ពជើងទឹក​ឧត្តមនាវី Michael Gilday បាន​ព្រមាន​ក្នុង​ថ្ងៃ​ពុធ ទី១៩ តុលា​ថា ទ័ព​អាមេរិក​ត្រូវ​ត្រៀម​ខ្លួន​ដើម្បី​ឆ្លើយ​តប​នឹង​ការ​វាយប្រហារ​ចូល​ឈ្លានពាន​របស់​ចិន​លើ​តៃវ៉ាន់។ តាម​ឧត្តមនាវី​អាមេរិក​រូប​នេះ​ដដែល ចិន​អាច​នឹង​ប្រើ​កម្លាំង​វាយ​យក​តៃវ៉ាន់​ពី​ពេល​នេះ​ទៅ​ឆ្នាំ ២០២៧។ ការ​ព្រមាន​របស់​ឧត្តមនាវី Michael Gilday បាន​ធ្វើ​ឡើង ខណៈ​ដែល​គណបក្សកុម្មុយនិស្ត​ចិន​កំពុង​បន្ត​ធ្វើ​សមាជ​លើកទី២០ នៅ​ក្នុង​វិមាន​ប្រជាជន​ក្នុង​ក្រុង​ប៉េកាំង។