Neste 19 episodio de Descifrando a Historia falamos da presenza dos celtas, castrexos e romanos en Galicia. Grazas a Francisco Javier González rompemos unha serie de mitos que hai en torno a este tema. Os celtas estiveron aquí presentes? Que papel desempeñou Roma na formación de Galicia? E os castrexos, que son? Todo isto e moito máis aquí, en Descifrando a Historia

E con este xa van 18 programas de Descifrando a Historia. Nel tratamos cuestións referentes á fronteira entre Galicia e Portugal ao longo da Historia desde a conformación do páis luso como reino ata practicamente a actualidade. Se ben é obvio que as diferenzas lingüísticas e culturais son poucas entre ambas rexións soprenderavos aínda máis o que aquí se vai contar.

Neste programa abordamos un tema que non é sobre a Historia de Galicia, pero é dunha importancia global que merece ser analizada. Para iso contamos con Xulio Ríos, o cal publicou un libro sobre a metamorfose do PCCh ao longo dos 100 anos que leva no poder, e como consecuencia, como cambiou China. Como está China tratada polos medios? É China capitalista? Cal será o seu papel no futuro? Todo iso e máis no podcast.

Neste 16 programa de Descifrando a Historia chegamos á comarca lucense dos Ancares, para desmitificar todos os estereotipos que existen a día de hoxe sobre ela coma un lugar afastado, idílico e bucólico. Para tal fin, falamos con Lucía Rodríguez, Eva Doroxo e Toño Ñúñez, que buscan dinamizar a zona ancarense e crear futuro para que non se vaian. Abordáronse temas como a fala, o patrimonio, etc.

Neste 15 programa de Descifrando a Hsitoria está como invitada Marilar Aleixandre, escritora e membra da Real Academia Galega, para falar da figura de Emilia Pardo Bazán e o seu feminismo, cen anos despois da súa morte. É realmente interesante como temos un concepto diferente da escriotra que introduxo o naturalismo en España.

Neste 14 episodio de Descifrando a Historia, falamos con Bruno Rúa, que se dedica a recuperar o patrimonio material e inmaterial da comarca de Monterrei-Verín, a cal el lle chama Tamagania. Facemos un repaso de como naceu este proxecto, que curiosidades se atopou co paso do tempo, como lendas lle axudaron a atopar petroglifos, e moitas máis historias para reivindicar o patrimonio rural galego.

Neste 12+1 episodio de Descifrando a Historia tratamos o contrabando na época de Salazar e Franco, como fixeron transporte ilícito de alimentos para sobrevivir. Grazas aos amigos "Os Contrabandistas" de Radio Metropolitana Porto pola colaboración.

Twitter: @DescifrandoH

Instagram: descifrandohistoria

Spotify e Podgalego.

Neste 12 episodio de Descifrando a Historia tratamos a represión da lingua e da cultura galega a partir dun artigo de Matías Rodríguez Da Torre da Universidade de Santiago de Compostela e de Xosé Manuel Baamonde Silva da Universidade de Vigo. Desde a igrexa, a escola, os medios de comunicación e o Estado franquista intentouse reprimir, eliminar e impoñer o uso do castelán desde o seu uso na administración ata no seu día a día, buscando a unidade lingüística do país.

Neste programa de Descifrando a Historia, podemos escoitar unha conversa con Camilo Valdehorras, filólogo e escritor galego, autor "Do mellor de Nós", unha troloxía editada por Hercules Edciones, onde fala do Boletín Nós, entre outras moitas cousas. Esta conversa é perfecta para aprender e desmontar moitos mitos. Simplemente sentarse e escoitar.

Neste décimo programa de Descifrando a Historia, facemos un percorrido curto e breve, pero conciso, acerca do acceso aos arquivos e o dereito a información. Falamos da Constitución de 1978 e outras leis complementarias que existen a día de hoxe no estado español e tamén da Lei de Segredos de 1968. Moi interesante.