សេដ្ឋកិច្ចចិន នៅត្រីមាសទី​២ឆ្នាំ​២០២២នេះ បានដើរថយក្រោយគួរឲ្យ​បារម្ភ។ ខណៈដែលទំនិញ​កាន់តែឡើងថ្លៃគ្រប់មុខ អតិផរណាកាន់តែកើនខ្ពស់ នៅទូទាំងពិភពលោក ទីផ្សារសេដ្ឋកិច្ច​ចិនកំពុងជួបឧបសគ្គជាច្រើន។ ដើម្បី​ផ្ដល់​សន្ទុះដល់សេដ្ឋកិច្ច នៅថ្ងៃចន្ទទី​២២សីហា ធនាគារកណ្តាល​ចិន បានសម្រេចទាញ​ទំលាក់​​អត្រា​ការប្រាក់ ជាថ្មីម្តងទៀត។ តើ​វិធានការ​ បន្ថយ​ការប្រាក់​របស់ធនាគារកណ្តាលចិននេះ អាចនឹងគ្រប់គ្រាន់ ដើម្បី​ឲ្យសេដ្ឋកិច្ច​ចិន​ងើបស្ទុះឡើងវិញដែរឬទេ ខណៈដែល​វិធានការ “កូវីដសូន្យ” របស់រដ្ឋាភិបាលចិន នៅតែចោទជា​ឧបសគ្គធំដល់ការធ្វើជំនួញទូទៅ នៅក្នុងប្រទេសចិននោះ?