Difficulties And Obstacles Are Not Always Consistent.                                                                                     လက်လျှော့ချင်စိတ် ကို အနိုင်ယူဖို့ ထင်သလောက် မခက်ဘူး။ ကျွန်တော်တို့ဘဝမှာအခက်အခဲ အတားဆီးတွေကို ရှောင်လွဲလို့ မရ တာ အမှန်ပါ။ လူတိုင်းလူတိုင်းဟာအခက်အခဲဆုံး အခြေ အနေတွေနဲ့ ကြုံလာတိုင်းမှာ Give Up လုပ်ဖို့ကိုယ့် ကိုယ်ကို မသိ စိတ်က တွန်းအားပေးတက်ကြပါတယ်။ လက်လျော့ချင်တဲ့ စိတ်ကိုအနိုင်ပေးလိုက်တာနဲ့ ဘဝထဲက ရည်မှန်းချက် ပန်းတိုင်တွေ အားလုံးဟာ သုညဆိုတဲ့အခြေအနေကို ရောက်ရှိသွားမှာပါ။ ဒီတော့ လက်လျှော့ချင်စိတ်ကို အမြတ်ဖြတ် အနိုင် တိုက်ဖို့လိုပါတယ်။  ကိုယ့်ကိုယ်ကို ယုံကြည်ပါ။

ကိုယ့်ကိုယ်ကို ယုံကြည်တဲ့စိတ်ဟာ ပန်းတိုင်တွေဆီအရောက်သွားနိုင်ဖို့ ခွန်အားတစ်ခုပါပဲ။ ပန်းတိုင် တစ်ခုအစပျိုးချိန်မှာရှိထားခဲ့တဲ့ တက်ကြွမှုနဲ့ ထက်သန်မှုမျိုးကို ပြန်လည်ရနိုင်ဖို့ သော့ချက်ကကိုယ့်ကိုယ်ကို ယုံကြည် မှုမြှင့်ထား တာပါပဲ။ ဒါကြောင့် လုပ်နိုင်တယ် ၊ကျော်ဖြတ်နိုင်တယ်ဆိုတဲ့ စိတ်ကို အပြည့်အဝသွင်းထားပါ။ ယုံကြည်မှုနဲ့ ပန်းတိုင်ဟာအမြဲ ဆက်နွယ်နေတယ်ဆိုတာကို သတိပြုမိဖို့ လိုပါတယ်။

ဒီနေ့အတွက်စကားကတော့ လူလတ်တန်းစားတွေအတွက်ပါ။ လူလတ်တန်းစားဆိုကတည်း ငွေဆိုတာ မရှားပေမယ့် ပေါလည်း မပေါတဲ့အခြေအနေပါ။ ဒီတော့ ကိုယ်က လူလတ်တန်းစားဆိုတဲ့အခြေအနေကနေ ပိုပြီးအဆင်ပြေတဲ့ ချမ်းသာကြွယ်ဝတဲ့ ပြောရရင် ငွေပေါတဲ့အခြေအနေတစ်ခုကိုရောက်ချင်ရင် ဒီအတိုင်းနေနေလို့မရပါဘူး။ ရင်းနှီးမြုပ်နှံမှုနဲ့ စီးပွားရေးအတွက် စွန့်စား မှုတစ်ခုခုကို လုပ်ရပါမယ်။ ဒါပေမယ့် ဘာကိုပဲလုပ်လုပ် သေချာလေ့လာပြီးမှလုပ်ပါ။ ဘာဆိုဘာမှ သေချာမသိနားမလည်ဘဲ သူများအောင်မြင် တာ သူများလုပ်တာကို လိုက်လုပ်မယ်လို့‌ တွေးနေမိရင် ရပ်တန်းက ရပ်လိုက်ပါ။ မမေးမြန်းမစုံစမ်းဘဲ လုပ်မိတာမျိုးကြောင့် ချမ်းသာရေးလမ်းကြောင်းကနေ နည်းနည်းစီ ဝေးသွားတတ်ပါတယ်။ စီးပွားရေးကြီးပွားရေးကိစ္စတစ်ခုခုနဲ့ ပတ်သက်ပြီး ကိုယ်က အပေါ်ယံသိရုံလောက်ပဲဆိုရင် မိမိပိုင်ဆိုင်တာ ရဲ့ ၅% ထက်ပိုပြီး မပုံအောသင့်ပါဘူး။                                                            စိတ်ရှည်ပါ။ လူလတ်တန်းစားတွေအတွက် ငွေဆိုတာမရှားပါဘူး။ ဒါပေမဲ့ လောဘကလည်း ကြီးတတ်ပါတယ်။ ကောင်းတဲ့ နေရာ မှာ ဆင်ခြင်ဥာဏ်နဲ့ လောဘကြီးရင် ချမ်းသာနိုင်ပါတယ်။ သို့ပေမဲ့ ပထမအချက်လိုမျိုးပဲ သေချာမလေ့လာဘဲ ဖြတ်လမ်း မလိုက် စေချင်ပါဘူး။

လူတချို့က အောင်မြင်မှုအကြောင်း စဉ်းစားနေချိန်မှာ တချို့ကတော့ စဉ်းစားနေရုံတင်မဟုတ်ပဲ အောင်မြင်မှုအတွက် စိတ်ကူးယဉ်၊ ယုံကြည်မှုရှိရှိနဲ့ လက်တွေ့လုပ်ဆောင်ပြီး အကောင်အထည်ဖော်နေကြပါတယ်။ အောင်မြင်မှု ရရှိသူတွေနဲ့ မအောင်မြင်သူတွေရဲ့ ကြားက အဓိကကွဲပြားခြားနားမှုက စိတ်နေသဘောထားပါပဲ။ အောင်မြင်သူတွေက ဘဝအပေါ်မှာ အကောင်းမြင်တတ်တဲ့ စိတ်နေ သဘောထားရှိကြပြီး အပြုသဘောဆောင်တဲ့အလေ့အကျင့်တွေနဲ့ အရာအားလုံးကို စီမံဆောင်ရွက်တတ်ကြပါတယ်။ ထူးထူးခြားခြားအောင်မြင်မှုကို ရူးသွပ်ဆာလောင်ကြသူတွေက ကမ္ဘာကြီးကို ပိုကောင်းတဲ့နေရာတစ်ခုဖြစ်အောင် လုပ်ဆောင်ခဲ့ကြ သူတွေဖြစ်ပါတယ်။ သူတို့ကိုယ်သူတို့ ယုံကြည်မှုရှိကြသလို၊ သူတို့ရဲ့ အရည်အချင်းနဲ့ ကြီးကြီးမားမား စဉ်းစားတွေးခေါ်နိုင်စွမ်းတွေနဲ့ စိတ်ကူးအိပ်မက်တွေကို လက်တွေ့ဖြစ်လာအောင် ဖန်တီးနိုင်ကြသူတွေပါ။ မှန်ကန်တဲ့ ကြိုးစားအားထုတ်မှုတွေနဲ့ ကြီးမားတဲ့အကျိုး ရလဒ်တွေကို ရယူနိုင်စွမ်းရှိကြပါတယ်။                                                                                                                            

မိမိကိုယ်ကိုနားလည်ခြင်း။ တနည်းအားဖြင့် ကိုယ့်အကြောင်းကိုယ်သိခြင်းဟာ လူတစ်ယောက်ရဲ့ ကိုယ်ရည်ကိုယ်သွေးအတွက် အရေးကြီးပါတယ်။ ယှဉ်ပြိုင်မှုတွေများလွန်းလှတဲ့ ယနေ့ခေတ်မှာ မိမိကိုယ်ကို ပြန်လည်သုံးသပ်ဖို့ အချိနိမရှိဖြစ်နေကြရပါ တယ်။ တကယ်တော့ မိမိကိုယ်ကို ဆင်ခြင်သုံးသပ်ခြင်းဟာ အပြုသဘောဆောင်တဲ့ ပြောင်းလဲခြင်းတွေအတွက် မရှိမဖြစ်လိုအပ်ပါတယ်။  မိမိကိုယ်ကိုယ် မလိမ်ညာပါနဲ့။ သင့်ကိုယ်သင် ဘယ်တော့မှမလိမ်မိပါစေနဲ့။ သင့်ကိုယ်သင် လိမ်ညာခြင်းက အမှန်တရားနဲ့ ကင်းကွာ စေပြီး အခြေအနေတစ်ခုကို ပိုမိုရှုပ်ထွေးစေပါတယ်။ ဘယ်ကိစ္စမဆို အရှိအတိုင်း ရင်ဆိုင်ပါ။ အားသာချက်၊ အားနည်းချက်တွေကို သိပါစေ။ ကိုယ်တိုင်ရဲ့အားနည်းချက်၊ အားသာချက်တွေကို သေချာမသိဘူးဆိုရင် ဘဝမှာ အောင်မြင်မှုကိုရနိုင်မှာမဟုတ်ပါဘူး။ အောင်မြင်သူတိုင်းဟာ သူတို့ရဲ့ အားနည်းချက်၊ အားသာချက်တွေကို သိကြပါတယ်။ သင့်ရဲ့ လူမှုရေး၊ အလုပ်အကိုင်စတာတွေနဲ့ ပတ်သက်ပြီး ဘယ်နေရာတွေမှာ ဘယ်လိုအားနည်းချက်တွေရှိလဲဆိုတာ သိအောင်ကြိုးစားပြီး တိုးတက်ကောင်းမွန်လာအောင် ပြင်ဆင်ပါ။ အားသာချက်တွေကို အသုံးချပြီး အခွင့်အလမ်းသစ်တွေကို ရယူနိုင်အောင် ကြိုးစားပါ။ သင်နဲ့ပတ်သက်ပြီး အခြားသူ တွေရဲ့ ချီးကျူးတဲ့အချက်တွေကို ထိန်းသိမ်းပါ။ ဝေဖန်ပြစ်တင်တဲ့အချက်တွေကို ပြင်ဆင်ပါ။ 

စိတ်ဓါတ်ကျနေပြီလား။ လူတိုင်းကကိုယ့်အခက်အခဲနဲ့ကို ကိုယ့်အပူနဲ့ကိုဖြစ်နေကြတာပဲဖြစ်ပါတယ်။ အဲ့အချိန်မှာ အဆိုးတွေ ဆိုတာ ကဝင်ပြီဟေ့ဆိုရင် အစုလိုက်အပြုံလိုက်ဝင်တတ်ကြတာပါ။အဲ့အချိန်မှာ ဘယ်သူမဆို ဘာလို့ငါမှလဲ ဘာလို့ငါကြမှ ဒီလိုတွေ ဖြစ်ရ တာလဲဆိုပြီး အပြစ်တွေတင်တတ်ကြတာပဲ။စိတ်ဓာတ်တွေကျပြီး လုပ်မိလုပ်ရာတွေလုပ်မိကြတဲ့အခါ မဖြစ်သင့် တာတွေ သွေးပူပြီး လုပ်ပြီးမှနောင်တရတာတွေမဖြစ်ရလေအောင် ဘာတွေလုပ်သင့်တယ်လို့ ထင်ပါသလဲ။      ကိုယ့်ကိုကိုယ်အရမ်းကျရှုံးနေပြီလို့ခံစားနေရပြီဆိုရင် ဘာလို့လဲဆိုပြီးမေးခွန်းတွေသွားမထုတ်ပါနဲ့။ အဲ့ချိန်မှာ စိတ်ဓာတ်တွေ ကျနေ တာဖြစ်လို့ကိုယ့်ကိုကိုယ်ပဲအပြစ်တွေတင်နေမိမှာပါ။အဲ့အချိန်မှာကိုယ့်အတွက်ဘာထပ်လုပ်ရင်ကောင်းမလဲဆိုတာကိုဦးစားပေးပြီးစဉ်းစားပါ။ကိုယ့်အတွက်စိတ်အားထက်သန်မှုကိုဖြစ်စေမယ့်အရာကိုစဉ်းစားပါ။ပြီးမှစိတ်ကအစဉ်ပြေသွားပြီဆိုရင် ကိုယ်ဘာတွေမှား နေလဲဆိုတာပြန်စဉ်းစားပါ။အများအားဖြင့်ကလူတိုင်းက ကိုယ်ဘာတွေမှားနေလဲဆိုတာအရင်ဆုံးစဉ်းစားပြီး ကိုယ့်အမှားတွေ အတွက်ကိုယ်နောင်တရ အပြစ်တွေတင်တတ်ပြီး ဘာဆက်လုပ်ရမလဲဆိုတာကို ဆက်မစဉ်းစားနိုင်ကြ တော့ပါဘူး။ အဲ့ဒီအခါကြ စိတ်ဓါတ်ကျပြီးရင်းကျပြီးငါတော်တော်အသုံးမကျတာဘဲဆိုပြီးအပြစ်တွေတင်နဲ့သံသရာကလည်နေမှာပါ။    

ဘဝတစ်ခု အောင်မြင်ကောင်းမွန်ဖို့အတွက် အများစုဟာ အသင်ကြမ်းတဲ့ ဆရာ ၄ ဦးနဲ့တွေ့ခဲ့ရပါတယ်တဲ့။ ဆရာ၄ဦးထဲက ပထမ တစ်ဦးက Failure လို့ခေါ်တဲ့ ကျရှုံးမှုပါ။ အောင်မြင်နေတဲ့သူ90% ဟာ ကျရှုံးဖူးပါတယ်။ ကျရှုံးမှုဆိုတာ size အမျိုးမျိုးရှိတယ်။ ဘဝနဲ့ချီ ကြီးမားတဲ့ ကျရှုံးမှုမျိုးရှိသလို မဖြစ်စလောက် သေးငယ်တဲ့ကျရှုံးမှုလည်း ရှိပါတယ်။ ဘယ်လိုကျရှုံးမှုမျိုးနဲ့ ကြုံလိုက်ပြီး လဲကျသွားပါစေ၊ ပြန်ပြီးမတ်တပ်ထ နိုင်ဖို့ လိုအပ်ပါတယ်။ ကျရှုံးမှုတစ်ခုစီကနေ သင်ခန်းစာယူပြီး ကျရှုံးမှု အပိုင်းအစတွေကိုအောင်မြင်မှု တည်ဆောက်တဲ့နေရာမှာ အသုံးပြုနိုင်ရပါမယ်။                                                                        ဒုတိယမြောက်ဆရာကတော့ Betrayal ဆိုတဲ့ သစ္စာဖောက်ခံရမှု။ လူတွေဆီကနေသစ္စာဖောက်ခံရသူတစ်ဦးဟာ လူတွေ အကြောင်း ပိုနားလည်နိုင်ပါတယ်။ လူတွေနဲ့ ပတ်သက်လာရင်ပိုသတိရှိလာမယ်။ ဒါပေမယ့် သတိမလွန်ကဲဖို့တော့ လိုတာပေါ့။ လူတစ်ယောက်သစ္စာဖောက် လိုက်လို့ လူတိုင်းကို သစ္စာဖောက်မယ်လို့တော့ မမြင်ပါနဲ့။ထားသင့်တဲ့သတိ ရှိရမှာဖြစ်သလို ထား သင့်တဲ့ ယုံကြည်မှုလည်း ရှိရပါမယ်။  ဒီလို သတိရှိခြင်းနဲ့ ယုံကြည်နိုင်ခြင်း မျှတလာတာဟာအောင်မြင်ခြင်းရဲ့ အထောက်အပံ့ပါပဲ။                                                                                                                                                   

အသုံးစရိတ်ထဲမှာမပါဝင်တဲ့ ငွေသုံးစွဲမှုတွေကို ဂရုစိုက်ပါ။ လိုအပ်တဲ့အသုံးစရိတ်တွေအတွက် ဖယ်ပြီးလို့ ကျန်တဲ့ငွေဟာသုံးချင်ရာ သုံးနိုင်တဲ့ ငွေလို့ မှတ်ယူနိုင်ပါတယ်။ ဒါပေမယ့်ငွေကြေးစီမံခန့်ခွဲမှုတိုးတက်ဖို့အတွက် ဒီလိုအပိုအသုံးစရိတ်တွေကို ဂရုစိုက်တတ်ဖို့လိုပါတယ်။

ငွေပိုနေတိုင်း အကုန်လျှောက်မသုံးပါနဲ့။ ဘယ်အချိန်မှာ ဘယ်လိုငွေကုန်ပေါက်ပေါ်လာမလဲဆိုတာ ကြိုတင်မသိနိုင်တာ ကြောင့် လိုအပ်လာရင်ပေးနိုင်အောင် ထိန်းသိမ်းထားသင့်ပါတယ်။ နောက်ပြီးရင် ဈေးနှုန်းတွေကိုနှိုင်းယှဉ်တွက်ချက်ပြီး ဈေးဝယ် ပါ။

ဘာပဲဝယ်ဝယ်အသင့်တော်ဆုံးဈေးနှုန်းဖြစ်ဖို့အတွက် နှိုင်းယှဉ်တွက်ချက်ပြီးမှ ဝယ်သင့်ပါတယ်။ ငွေကြေးကိုအကောင်းဆုံး စီမံခန့်ခွဲတတ်ချင်ရင် ငွေစုဆောင်းဖို့ကိုလည်း မမေ့သင့်ပါဘူး။ လစဉ်ဝင်ငွေထဲက တစိတ်တပိုင်းကို စုဆောင်းထားသင့်ပါတယ်။ ငွေစုဆောင်းတဲ့နေရာမှာ အများကြီးစုနိုင်စရာ မလိုပါဘူး။ တစ်ရက်နည်းနည်း ဒါမှမဟုတ် တစ်လနည်းနည်းစုဆောင်းရင်း အချိန် တစ်ခုကြာတဲ့အခါမှာ ထင်မှတ်မထားတဲ့ပမာဏ တစ်ခုကိုရရှိနိုင်ပါတယ်။ နောက်ဆုံးအချက်ကတော့ အသုံးစရိတ်တွေကို မှတ်သား ထားဖို့ပါ။ ငွေသုံးစွဲမှုတိုင်းကိုသတိထားပါ။ ငွေလက်ခံဖြတ်ပိုင်းတွေကို သိမ်းထားပါ။ မှတ်စုစာအုပ်တစ်အုပ်နဲ့အသုံးစာရင်းကို ချရေး ထားပါ။ မလိုအပ်ပဲ အပိုတွေမသုံးမိအောင် ဆင်ခြင်ပါ။ဒီအချက်တွေကို အသေးစိတ် လိုက်နာမယ်ဆိုရင် ငွေကြေးကို စီမံခန့်ခွဲနိုင်တဲ့ သူတစ်ယောက်ဖြစ်လာပါလိမ့်မယ်။

ဒီနေ့အတွက်စကားလူချမ်းသာတွေပိုပြီးချမ်းသာလာတာ ဘာကြောင့်လဲ? အများအားဖြင့် ကံကောင်းလို့တော့ မဟုတ်ပါဘူး။ချမ်းသာတဲ့ မိသားစုမှာ မွေးဖွားလာတာ၊ ထီပေါက်ပြီး ချမ်းသာလာတာတွေကြောင့်ချမ်းသာတာက လူနည်းစုလောက်သာ ရှိပါလိမ့်မယ်။ဒါဆိုရင် သူတို့ ဘာကြောင့်ချမ်းသာလာတာလဲ၊?လူချမ်းသာတွေက သာမန်လူတွေနဲ့မတူတဲ့ အလေ့အကျင့်တွေရှိပြီးသာမန်လူတွေ မလုပ်တဲ့အရာတွေကို လုပ်ကြတာကြောင့် ဖြစ်ပါတယ်။အောင်မြင်ချမ်းသာတွေကိုပိုပြီးချမ်းသာလာစေနိုင်တဲ့ အလေ့အကျင့်ကောင်းတွေက ဘာတွေဖြစ်မလဲ။  ချမ်းသာတဲ့လူတွေကိုသတိထားကြည့်ကြည့်ပါ။ သူတို့မှာမနက်ခင်း လုပ်ရိုးလုပ်စဉ်တစ်ခု ရှိနေတတ်ပါတယ်။ မနက်ခင်းတိုင်းမှာလူအများစုက နှိုးစက်ကို ပိတ်ပြီး ပြန်အိပ်နေကြချိန်မှာ လူချမ်းသာတွေက သူတို့ရဲ့ချမ်းသာကြွယ်ဝမှုကို တိုးမြှင့်ဖို့ စတင်လုပ်ဆောင် နေကြပါပြီ။လက်ရှိအောင်မြင်ချမ်းသာနေတဲ့ သန်းကြွယ်သူဌေးတိုင်းမှာ နေ့တိုင်းအမြဲတမ်းလုပ်လေ့ရှိတဲ့ မနက်ခင်းလုပ်ရိုး လုပ်စဉ် တွေ ရှိပါတယ်။မနက်ခင်းလုပ်ရိုးလုပ်စဉ်လို့ ပြောတဲ့နေရာမှာ လေ့ကျင့်ခန်းလုပ်တာ၊ ရည်မှန်းချက်တွေကိုပြန်လည်ဆန်းစစ်တာ၊ မနက်စာစားတာ၊ တစ်နေ့စာအတွက် အစီအစဉ်ချတာ စသဖြင့် သူတို့ရဲ့တစ်နေ့တာကို အကောင်းဆုံးဖြတ်သန်းနိုင်စေမယ့်အရာ တွေကို လုပ်ဆောင်လေ့ရှိကြပါတယ်။                                                                                                                         

May your day be filled with good thoughts, kind people and happy moments.                             

ဒီနေ့အတွက်စကားသင့်အတွက် နေ့တစ်နေ့ဆီကိုကောင်းမွန်တဲ့အတွေးအခေါ်တွေ၊ကြင်နာသနားတတ်တဲ့လူသားတွေ ပျော်စရာ အခိုက်အတန့်တွေနဲ့  ဖြည့်တင်းထားပါ။ အသက်ရှင်သန်နေကြတဲ့ လူသားတိုင်းလူသားတိုင်းဖြတ်သန်းနေတဲ့နေ့ရက်တိုင်း နေ့ရက် တိုင်းဘယ်လိုမျိုးအရာတွေနဲ့ ပြည့်စုံနေဖို့လိုအပ်သလဲဆိုတာကိုပြောပြထားတာပါ။နေ့ဟောင်းတွေကိုကုန်ဆုံးပြီးနေ့သစ်တစ်ခုကိုရောက်ပြီဆိုတာနဲ့ ဒီစကားထဲကအရာတွေသာပြည့်စုံနေမယ်။ဒီစကားအတိုင်း သာရှိနေမယ်ဆိုရင် ကျွန်တော်တို့ရဲ့ တစ်နေ့တာတိုင်းဆီဟာအဓိပာယ်ရှိရှိမင်္ဂလာရှိရှိနဲ့ဖြတ်သန်းနိုင်မှာပါ။ ဘာတွေများပါလိမ့်။            

ဒီနေ့အတွက်စကား အစီအစဉ်ကနေ့ မျှဝေပေးချင်တဲ့စကားလေးကတော့ Our mind need to be organized ဆိုတာပါပဲ။