Dilli Dali

Dilli Dali

By S GopalakrishnanSociety & Culture
Download on the App Store

Dilli Dali episodes

  • യേശു ഉയിർത്തെഴുന്നേറ്റോ ?വിശ്വാസം, അതല്ലേ എല്ലാം Dilli Dali 35/2021

    യേശു ഉയിർത്തെഴുന്നേറ്റോ ? വിശ്വാസം, അതല്ലേ എല്ലാം

    ക്രിസ്തുവിന്റെ ഉയിർത്തെഴുന്നേൽപ്പിനെ കുറിച്ച് ദാർശനികൻ വിറ്റ്‌ഗെൻസ്റ്റെയിൻ നടത്തിയ ഭാഷാലീലയെ ചുറ്റിപ്പറ്റി ഒരു ഈസ്റ്റർ പോഡ്കാസ്റ്റ് വിചാരം. 

    അദ്ദേഹം ഉയിർത്തെഴുന്നേറ്റിരുന്നില്ല എങ്കിൽ ? മറ്റേതൊരു ലോകഗുരുവിനെപ്പോലെയും ആ മൃതശരീരം ജീർണ്ണിക്കുമായിരുന്നു ...

    എങ്കിൽ നാം ഒറ്റയ്ക്കാകുന്ന വേളയിൽ സഹായിക്കാനായി അദ്ദേഹത്തിന് വരാൻ കഴിയില്ലായിരുന്നു ...

    പോഡ്‌കാസ്റ്റിലേക്ക് സ്വാഗതം . കഴിയുമെങ്കിൽ headphones ഉപയോഗിച്ചുകേൾക്കുക .

    സംഗീതം : Gustav Mahler : The Resurrection

    സ്നേഹപൂർവ്വം

    എസ് . ഗോപാലകൃഷ്ണൻ

    ഡൽഹി , ഈസ്റ്റർ 2021

    9 min
  • യേശു അതീവശ്രദ്ധാലുവായിരുന്ന വെള്ളിയാഴ്ച Dilli Dali 34/2021

    യേശു അതീവശ്രദ്ധാലുവായിരുന്ന വെള്ളിയാഴ്ച:

    ഒരു സംഗീതശിൽപത്തെക്കുറിച്ചൊരു പോഡ്കാസ്റ്റ് 

    ഇന്ന് ദുഃഖവെള്ളി . 1724 ൽ സെബാസ്റ്റ്യൻ ബാഹ് (Johann Sebastian Bach ) എന്ന സംഗീതജ്ഞൻ തന്റെ സംഗീതശിൽപത്തിൽ പാടി യേശു ആ വെള്ളിയാഴ്ച അതീവശ്രദ്ധാലുവായിരുന്നു എന്ന് . അതീവശ്രദ്ധാലു ! ഈ പോഡ്കാസ്റ്റ് ചെയ്യുമ്പോൾ ആ വാക്കിൽ ഞാൻ തങ്ങിനിൽക്കുന്നു .

    ക്രൂശാരോഹണത്തെ സംബന്ധിച്ച് എഴുതപ്പെട്ട എക്കാലത്തെയും മഹത്തായ സംഗീതശിൽപം : St John Passion എന്ന സംഗീതശിൽപം. പിലാത്തോസും ബറാബ്ബാസും മുൾക്കിരീടമണിഞ്ഞ യേശുവും വിധിമുറിയും കടന്നുവരുന്ന Passion . 

    ഈ സംഗീതശിൽപം ആദ്യം അവതരിപ്പിക്കപ്പെട്ട ലൈപ്സിഗ്ഗിലെ നിക്കോളാസ്‌ പള്ളിയിൽനിന്നും 1989 ൽ പുറപ്പെട്ട ഒരു ജനയാത്രയാണ് ബെർലിൻ ഭിത്തി തകർത്തതെന്നും നമുക്കോർക്കാം ...

    ഒരു ദുഃഖവെള്ളി പോഡ്‌കാസ്റ്റിലേക്ക് സ്വാഗതം .


    സ്നേഹത്തോടെ 

    എസ് . ഗോപാലകൃഷ്ണൻ

    ഡൽഹി, 2 ഏപ്രിൽ 2021

    dillidalipodcast.com   

    11 min
  • സർവ്വേഫലങ്ങൾക്കുശേഷമുള്ള കേരളരാഷ്ട്രീയം Dilli Dali 33/2021

    ഒരു തെരഞ്ഞെടുപ്പു സർവ്വേ പരാജയമാകുന്നതെപ്പോൾ ?

    പ്രത്യക്ഷമല്ലാത്ത അടിയൊഴുക്കുകൾ സർവ്വേയിൽ പ്രതിഫലിക്കുമോ ?

    എല്ലാ സർവ്വേകളും പറയുന്നത് മുസ്‌ലിം സമുദായത്തിൽ നിന്നും ഒരു ഇടതനുകൂല ചായ്‌വ് വ്യക്തമാണെന്നാണ് . ഇത് ശരിയാണെങ്കിൽ അത് കേരള രാഷ്ട്രീയത്തേയും മുസ്‌ലിം ലീഗിനേയും UDF നേയും  എങ്ങനെ സ്വാധീനിക്കും ?, മാറ്റിത്തീർക്കും ?

    UDF ന് ഒരു വലിയ പരാജയം സംഭവിച്ചാൽ UDF തള്ളപ്പെടുന്ന അഗാധപ്രതിസന്ധിയുടെ വ്യാപ്തി എന്താണ്?

    ദേശീയതലത്തിൽ ദിനംപ്രതി ദുർബ്ബലമാകുന്ന കോൺഗ്രസ്സിനെ മതന്യൂനപക്ഷങ്ങൾ കേരളത്തിൽ എങ്ങനെ ബദലായിക്കാണും ?

    ഒറ്റയാൾ ക്യാപ്റ്റൻ എന്ന രീതിയിലേക്കുള്ള ഇടതുപക്ഷപ്രചാരണം ഇടതുപക്ഷത്തിനു തന്നെ പുതിയരീതിയല്ലേ ? അതിന്റെ ദൂരവ്യാപകഫലങ്ങൾ എന്തൊക്കെയാണ് ?

    അപ്രതിരോധ്യമായ പിണറായി വിജയൻ Image ഈ തെരഞ്ഞെടുപ്പിൽ എങ്ങനെയുണ്ടായി ?

    പിണറായി ഒരു വിഗ്രഹമായോ ? ബദൽ മാതൃക  തൽക്കാലം കേരളത്തിലെ ഇടതുപക്ഷത്തിന്   ഇല്ലെന്നോ ?

    എല്ലാ കഠിന പ്രയത്നങ്ങൾക്കു ശേഷവും എന്തുകൊണ്ട് എല്ലാ സർവ്വേകളിലും രമേശ് ചെന്നിത്തലയുടെ ജനസമ്മതി ഏറെ താഴെ നിൽക്കുന്നു ? 

    എന്തുകൊണ്ട് ആന്റണിയുടെയും വി എസ്സിന്റെയും ജനപ്രിയത ചെന്നിത്തലയ്ക്ക് കിട്ടുന്നില്ല ?  

    ദുരിതകാലത്ത്    അദ്ദേഹത്തെ നെഗറ്റിവിറ്റിയുടെ  സന്ദേശവാഹകനായി ആളുകൾ കണ്ടോ ?

    ചില ക്രിസ്തീയസഭാനേതൃത്വങ്ങൾ ഉണ്ടാക്കാൻ ശ്രമിച്ച മുസ്‌ലിംവിരുദ്ധത പരാജയപ്പെടുന്നുവോ ?

    കുന്നത്തുനാട്ടിലെ 20 -20 യ്ക്കും ഡൽഹിയിലെ ആം ആദ്മി പാർട്ടിക്കുമിടയിൽ ഊയലാടുന്ന പെൻഡുലങ്ങളോ UDF -LDF മാനിഫെസ്റ്റോകൾ ?

    തെരഞ്ഞെടുപ്പുസർവ്വേകളുടെ വെളിച്ചത്തിൽ കേരളരാഷ്ട്രീയത്തിന്റെ ഭാവിയെക്കുറിച്ചൊരു ആഴമുള്ള പോഡ്കാസ്റ്റ് .

    ഏഷ്യാനെറ്റ് ന്യൂസ് എഡിറ്റർ എം ജി രാധാകൃഷ്ണൻ സംസാരിക്കുന്നു .

    പോഡ്‌കാസ്റ്റിലേക്ക് സ്വാഗതം

    സ്നേഹത്തോടെ ,

    എസ് . ഗോപാലകൃഷ്ണൻ

    ഡൽഹി

    30 മാർച്ച് 2021

    dillidalipodcast.com


    30 min
  • 2021 ലേത് ശ്‌മശാന ഹോളി Dilli Dali32/2021

    ഡൽഹി അതിർത്തിയിൽ സമരരംഗത്തുള്ള കർഷകർക്കായി ഒരു ഹോളി പോഡ്കാസ്റ്റ് .

    രംഗ്ഭരി ഏകാദശിയുടെ അടുത്ത ദിവസം ഞാൻ ബനാറസിലെ മണികർണ്ണികാ ഘാട്ടിലെ കത്തുന്നചിതകൾക്കു നടുവിൽ ചിദംബരശിവന്റെ ചിതാഭസ്മഹോളി കാണാനിടയായി. നിറങ്ങളില്ല . പൂക്കളില്ല . ദൈവങ്ങളില്ല . മനുഷ്യരില്ല . ഭൂതങ്ങളോടൊത്ത് ഭസ്മത്തിൽ ഹോളിയാടുന്ന ചിദംബരശിവന്റെ നൃത്തം .

    ഡൽഹി അതിർത്തിയിൽ അനാഥമാകുന്നു എന്ന് നമുക്ക് തോന്നുമ്പോഴും ഉള്ളിലെ അഗ്നികെടാത്ത സമരഭൂമിയ്ക്ക് , നമ്മുടെ ജനാധിപത്യ  ഉടുത്തുകെട്ടുകൾ അഴിഞ്ഞുവീണ് നഗ്നമാകുന്ന ഈ വേളയിൽ , ക്രൂദ്ധഗംഗയെ തലയിലേറ്റി , പൂക്കളും നിറവുമില്ലാതെ , മരിച്ചവന്റെ ചിതയിലെ ഭസ്മത്തിൽ കളിക്കുന്ന ചിദംബരന്റെ ശ്മാശാനഹോളി .

    ഈ പോഡ്‌കാസ്റ്റിൽ ബനാറസിലെ പണ്ഡിറ്റ് ചന്നുലാൽ മിശ്ര പാടിയ 'ഖേലെ ശ്‌മശാനേ മേ ഹോളി ദിഗംബർ ' എന്ന ഹോളിഗാനവും ഉൾപ്പെടുത്തിയിരിക്കുന്നു .

    സ്നേഹപൂർവ്വം 

    എസ് . ഗോപാലകൃഷ്ണൻ 

    2021 ഹോളിദിനം 

    dillidalipodcast.com

    15 min
  • യമുനയുടെ തീരത്ത്

    ദില്ലിദാലിയുടെ പ്രീയപ്പെട്ട ശ്രോതാക്കളെ ,

    ഒരസാധാരണ ഗാനത്തെക്കുറിച്ചാണ് ഈ പോഡ്കാസ്റ്റ് . 

    എന്താണ് നമുക്ക് യമുന ?

    വിധവകൾ വനമാലിക്കുവേണ്ടി നിലാവുപോലെ കുളിച്ചുകയറുന്ന നദിയോ ?

    പണിഞ്ഞ താജിനും പണിയാത്ത താജിനും    ഇടയിൽ ഒഴുകുന്ന ചരിത്രമോ?

    മെഗസ്തനീസും അലക്‌സാണ്ടറും പറഞ്ഞ പുകൾപെറ്റ പുഴയോ ?

    ഈ നദി  കടന്നുകഴിഞ്ഞാൽ  പിന്നെ ആകാശമില്ല , സമയമില്ല എന്ന് കവി പാടിയ നദിയോ ?

    എനിക്ക് പക്ഷേ ഈ നിമിഷം യമുന ഒരു ഗാനമാണ് , ഒരു തുംരി .

    ഉസ്താദ് അബ്ദുൽ കരീം ഖാൻ 1934 ൽ പാടി അനശ്വരമാക്കിയ ഗാനം . ബേഗം അഖ്തർ 1974 ൽ മരിക്കും മുന്നേ അവസാനം പാടിയ ഗാനം . പണ്ഡിറ്റ് ഭീംസെൻ ജോഷി ഉസ്താദിനുള്ള ഗുരുദക്ഷിണയായി പാടിയ ഗാനം , പണ്ഡിറ്റ് കുമാർ ഗന്ധർവ പാടിയ ജമുനാ കെ തീർ ....

    ഈ നാലു ശബ്ദനദികൾ ഇതാ ഒരു പോഡ്‌കാസ്റ്റിൽ .


    സ്നേഹത്തോടെ 

    എസ് . ഗോപാലകൃഷ്ണൻ 

    ഡൽഹി 

    25 മാർച്ച് 2021  

    30 min
  • ലോകജലദിനവും മീനച്ചിലാറിന്റെ സ്വപ്നവും  Dilli Dali 30/2021

    ലോകജലദിന പോഡ്‌കാസ്റ്റിലേക്ക് സ്വാഗതം!

    എഴുപത്തെട്ടുകിലോമീറ്റർ നീളമുള്ള മീനച്ചിലാർ ആരോഗ്യവത്തായി നിലനിൽക്കണമെങ്കിൽ മൂവായിരം കിലോമീറ്റർ വരുന്ന അനുബന്ധതോടുകൾക്ക് ജീവനുണ്ടാകണമെന്ന തിരിച്ചറിവിൽ നദീനാഡികളെ അന്വേഷിച്ചിറങ്ങിയ കുറേപ്പേരുടെ കഥ .

    എങ്ങനെ മരിച്ചതോടുകളിൽ ഒഴുക്കുണ്ടായി ? ജനകീയപങ്കാളിത്തം എങ്ങനെയുണ്ടായി ? ആര് എക്കൽ നീക്കി ?

    എങ്ങനെ മലരിക്കൽ ആമ്പൽതടാകം ഉണ്ടായി ? അയ്യായിരം ഏക്കർ തരിശുനിലത്ത് എങ്ങനെ കതിരണിഞ്ഞു ? 

    കോട്ടയം പ്രദേശത്തെ ഭൂഗർഭജലസമ്പത്ത് എങ്ങനെ വർദ്ധിച്ചു ? പദ്ധതിയ്ക്ക് പ്രാദേശിക ഉടമസ്ഥത എങ്ങനെ കൈവന്നു ? 

    എങ്ങനെ വേമ്പനാട്ടുകായൽ കോട്ടയം നഗരത്തോട് അടുക്കുവാൻ പോകുന്നു ?

    മീനച്ചിലാർ -മീനന്തറയാർ -കൊടൂരാർ പുനഃ സംയോജനപദ്ധതിയെക്കുറിച്ച് അഡ്വ . കെ അനിൽകുമാർ  സംസാരിക്കുന്നു

    സ്നേഹപൂർവ്വം

    എസ് . ഗോപാലകൃഷ്ണൻ

    22 മാർച്ച് 2021


    സ്നേഹപൂർവ്വം

    എസ് . ഗോപാലകൃഷ്ണൻ

    15 min
  • ഡൽഹിയുടെ ചിറകരിയുമ്പോൾ Dilli Dali 29/2021

    ഡൽഹിയുടെ ചിറകരിയുമ്പോൾ

    പുതിയ   രാഷ്ട്രീയനീക്കത്തെക്കുറിച്ച് ഒരു സംഭാഷണം : ഇക്കണോമിക് ടൈംസ് ഒപ്പീനിയൻ എഡിറ്റർ ടി കെ അരുൺ സംസാരിക്കുന്നു

    പുതിയ നിയമനിർമ്മാണം ഡൽഹിയിലെ ജനങ്ങളുടെ സ്വയംഭരണത്തിനുള്ള  ജനാധിപത്യാവകാശങ്ങൾ അപഹരിക്കുകയാണോ ? ചില യൂറോപ്യൻ രാജ്യങ്ങളുടെ വലുപ്പമുള്ള ജനപദമാണ് ഡൽഹി, രണ്ടുകോടിയിലേറെ ജനങ്ങൾ പാർക്കുന്ന സ്ഥലം. അതിനെ വാഷിങ്ടൺ ഡിസിയെ കാണുന്നതുപോലെ കാണാൻ കഴിയുമോ ?

    ഷീലാ ദീക്ഷിതിന്റെ കാലത്ത് വാജ്‌പേയ് സർക്കാരിന്റെ സമീപനം എന്തായിരുന്നു ?മോദി സർക്കാരിന്റെ അമിതാധികാരകേന്ദ്രീകരണം ഉയർത്തുന്ന ഭീഷണികൾ എന്തൊക്കെ ?ഭാവിയിൽ ഇന്ത്യയിലെ വൻ മെട്രോനഗരങ്ങളെ മുഴുവൻ കേന്ദ്രഭരണപ്രദേശങ്ങളാക്കുന്ന ഒരു നിയമം വന്നാലോ ?

    കേരളത്തിലെ ജനാധിപത്യബോധം മറ്റിന്ത്യൻ പ്രദേശങ്ങളിൽ ചരിത്രപരമായി ഉണ്ടോ ? വോട്ടവകാശത്തിന്റെയും ജനാധിപത്യമൂല്യങ്ങളുടേയും വില നമുക്ക് എത്രമാത്രമറിയാം ? അതുചോർന്നുപോകുമ്പോൾ നാം പ്രതിഷേധിക്കാത്തത് എന്തുകൊണ്ട് ?

    ജനാധിപത്യം ജന്മാർജ്ജിതമല്ല , നിരന്തര ശീലത്തിലൂടെ ഒരു ജനത നേടേണ്ടതാണ്.

    പുതിയ ബിൽ നിയമമായാൽ സുപ്രീം കോടതി ഇടപെടുമോ ?

    ഡൽഹി എന്ന ഏകകോശത്തിൽ നടക്കുന്ന പരീക്ഷണം ഇന്ത്യൻ ജനാധിപത്യത്തെ എങ്ങനെ ബാധിക്കും എന്ന് ആഴത്തിൽ അന്വേഷിക്കുന്ന ഒരു പോഡ്കാസ്റ്റ് .

    സ്നേഹത്തോടെ

    എസ് . ഗോപാലകൃഷ്ണൻ

    18 മാർച്ച് 2021

    ഡൽഹി

    29 min
  • അവനിയുടെ മകളുടെ മരണവും ആധുനികമനുഷ്യന്റെ പരിമിതികളും Dilli Dali 28/2021

    അവനിയുടെ മകളുടെ മരണവും ആധുനികമനുഷ്യന്റെ പരിമിതികളും 


    മൂന്നുവർഷങ്ങളായി ആ പെൺകടുവയെ മനുഷ്യൻ വേട്ടയാടാൻ പഠിപ്പിച്ചു . അവൾ അവനിയുടെ മകൾ എന്നറിയപ്പെട്ടു . നരഭോജിയായ 'അമ്മയെ സുപ്രീം കോടതിവിധിയാൽ വെടിവെച്ചുകൊല്ലുകയായിരുന്നു . അപ്പോൾ മനുഷ്യന് അറിയില്ലായിരുന്നു പത്തുമാസം പ്രായമുള്ള രണ്ടു കുഞ്ഞുങ്ങൾ അവനിയ്ക്കുണ്ടായിരുന്നു എന്ന് . മനുഷ്യൻ കുഞ്ഞുങ്ങളെ എടുത്തുവളർത്തി . അമ്മക്കടുവയുടെ ഭാഗം മനുഷ്യൻ അഭിനയിച്ചു . വനത്തിൽ വേട്ടയാടാൻ പഠിപ്പിച്ചു . മൂന്നുവയസ്സായ മകൾ കടുവയെ മനുഷ്യൻ വനത്തിലേക്ക് തുറന്നുവിട്ടു . 48 മണിക്കൂറിനുള്ളിൽ ആ പെൺകടുവ മരിച്ചു . എങ്ങനെ ? ഈ പോഡ്കാസ്റ്റ് കേട്ടാലും . 

    മനുഷ്യനു മനസ്സിലാകാത്ത വനാന്തരത്തിൽ വനംവകുപ്പിന്റെ നിയമങ്ങളെക്കാൾ നല്ലത് വനനിയമങ്ങളല്ലേ ? അമ്മക്കടുവയാകാൻ ശ്രമിച്ചു പരാജയപ്പെട്ട മനുഷ്യന്റെയും ഒരു കടുവയുടേയും കഥ 


    സ്നേഹപൂർവ്വം 

    എസ് . ഗോപാലകൃഷ്ണൻ 

    ഡൽഹി 

    മാർച്ച് 16 , 2021 

    dillidalipodcast.com

    12 min
  • കമല സുരയ്യയുടെ പ്രതിഷേധപ്രാർത്ഥനകൾ Dilli Dali 27/2021

    പൂക്കളും കനികളും നിലംപതിക്കുന്നു .

    വാനമ്പാടിക്കൂടുകളും .

    ഓരോ മുട്ട തകരുമ്പോഴും

    മറ്റൊരു നാളെ

    ഛിദ്രിക്കപ്പെട്ട ഭ്രൂണം കണക്കെ

    വായ് തുറന്നവസാനിക്കുന്നു

    ...........................................

    പുരുഷാ , നീ യൂദാസാണ്

    നാളെ കോഴി കൂവുംമുമ്പ്

    നീ എന്നെ  ഒറ്റുകൊടുക്കും

    ......................................

    യുവപ്രഭാഷകാ

    മഴക്കാലത്തെ മരപ്പൂപ്പൽ പോലെ

    ആ വേദന എന്നിൽ വളരുന്നു .

    നീയെന്റെ ആരാണ് ?

    മിത്രമോ ശത്രുവോ ?

    .....................................

    യാ അള്ളാഹ്

    ഇനിയെങ്കിലും എന്നെ ശിക്ഷിക്കുക

    നിന്നിലുമധികം ഞാനവനെ സ്നേഹിച്ചുപോയി.

    ഈ വരും വെള്ളിയാഴ്ച

    നാഗരാതിർത്തിയിൽ

    കുന്നിൻ ശിഖരത്തിൽ

    എന്നെ ബന്ധനസ്ഥയാക്കുക.

    പിഴച്ചുമിടിക്കുന്ന ഹൃദയത്തെ

    പറിച്ചുകളയുക

    കൂലിപ്പട്ടാളം , പ്രകൃതിയും പുരുഷനും , പുഴ , ഈ വരും വെള്ളിയാഴ്ച, പൂനിലാവ്, മറവി എന്നീ കവിതകൾ ഈ പോഡ്‌കാസ്റ്റിൽ കേട്ടാലും .

    സ്നേഹത്തോടെ ,

    എസ് . ഗോപാലകൃഷ്ണൻ

    ഡൽഹി

    14 മാർച്ച് 2021

    dillidalipodcast.com

    15 min
  • പോപ്പിന്റെ ഇറാഖ് സന്ദർശനം : സംസ്കാരവും രാഷ്ട്രീയവും 26/2021

    പോപ്പിന്റെ ഇറാഖ് സന്ദർശനം : സംസ്കാരവും രാഷ്ട്രീയവും

    പോപ്പ് ഫ്രാൻസിസിന്റെ ഇറാഖ് സന്ദർശനത്തിന്റെ സാമൂഹിക , സാംസ്കാരിക , രാഷ്ട്രീയ , സാമ്പത്തിക , മത മാനങ്ങളാണ് ഈ പോഡ്കാസ്റ്റ് അന്വേഷിക്കുന്നത്.

    ക്രിസ്തീയസമൂഹങ്ങളിൽ പോപ്പ് നടത്തുന്ന സാംസ്കാരികഇടപെടലുകളുടെ പ്രത്യേകതകൾ എന്തൊക്കെ ?

    ഷിയാ -സുന്നി ലോകങ്ങളുമായുള്ള ഈ പോപ്പിന്റെ ഇടപെടലുകൾ 800 വർഷങ്ങൾക്കുമുൻപ് ഫ്രാൻസിസ് അസ്സീസ്സി ചെയ്ത ഇടപെടലുകളുമായി ഈ സന്ദർശനത്തിനുള്ള സമാനതകൾ ,

    ലോകത്തിൽ പുതുതായി കണ്ടുവരുന്ന സംസ്കാരകൃസ്തീയതയിലെ ഇസ്‌ലാം വിരുദ്ധ ഭാവത്തെ പോപ്പ് അഭിമുഖീകരിക്കുന്ന രീതി എന്താണ് ?

    ഈ സന്ദർശനത്തിന്റെ അമേരിക്കൻ -ഇറാൻ വശം എന്താണ് ?

    അബ്രഹാമിന്റെ  വ്യത്യസ്ത മതങ്ങളിൽ പെട്ട   എല്ലാ  സന്തതികളെയുമാണോ ഈ സന്ദർശനം ഉന്നം വെയ്ക്കുന്നത് ?

    എത്രപ്രാചീനമാണ് ഇറാഖിലെ കൃസ്തീയത ?

    ഇറാഖ് ബ്രിട്ടീഷ് കൊളോണിയൽ കാലത്ത് നേരിട്ട വെല്ലുവിളികൾ ,

    സദ്ദാമിന്റെ കാലത്ത് കൃസ്ത്യാനികൾ എങ്ങനെ ? ISIS വിതച്ച നാശം.

    ഒരിടുങ്ങിയ വഴിയിൽ ഒതുങ്ങിജീവിക്കുന്ന ഷിയാ പുരോഹിതശ്രേഷ്ഠനെ കാണുവാൻ പോപ്പ് പോയതിന്റെ പ്രാധാന്യം ,

    പോപ്പിന്റെ യാത്രയിലെ ക്ഷമാപണങ്ങൾ , , ,

    ഇന്ന് യൂറോപ്യൻ രാഷ്ട്രീയത്തിൽ ക്രിസ്തീയമൂല്യങ്ങൾ എത്രത്തോളമുണ്ട് ?

    മഹാത്മാഗാന്ധി സർവകലാശാല ഗാന്ധിയൻ പഠന വിഭാഗം തലവൻ   പ്രൊഫസ്സർ M H ഇല്യാസ് സംസാരിക്കുന്നു

    പോഡ്‌കാസ്റ്റിലേക്ക് സ്വാഗതം

    എസ് . ഗോപാലകൃഷ്ണൻ

    ഡൽഹി

    10 മാർച്ച് 2021

    dillidalipodcast.com

    29 min

About Dilli Dali

From the publisher's feed

Dilli Dali is a podcast initiative from Delhi, India on contemporary society and culture

More shows like Dilli Dali

MALAYALAM NEWS by G Ravi

MALAYALAM NEWS

0 Listeners

Truecopy THINK - Malayalam Podcasts by Truecopythink

Truecopy THINK - Malayalam Podcasts

2 Listeners

Empire: World History by Goalhanger

Empire: World History

2,413 Listeners

Out Of Focus - MediaOne by Mediaone

Out Of Focus - MediaOne

3 Listeners

Professional Malayali by Vinod Narayan

Professional Malayali

2 Listeners