Dinngiral rewɓe

Toɓɓere men e ndee yewtere yowiti ko e sifa no rewɓe nguuriri e nder mejaaji, walla no ɓe njiiretee e nder mejaaji ɗii hono rajo e tele e ko nanndi ɗum. Yiigol rewɓe ɓe e sifa no ɓe njireete e nder mejaaji ina heddi wonnde ngoƴaaji calɗi toppitiiɗi ɓeto potal hakkunde rewɓe e worɓe e nder mejaaje. Holko nden jonnde rewɓe ɓee njoɗi e nder mejaaji ɗii ? Ko holno ɓe kollirtee ?

Woni hoɓɓe  men ko Aysata Umaar Siise kertorɗo mejaaje e Aminata Kaan, habroowo e tele ngenndi Moritani.

Toɓɓere yewtere ndee hannde ana haala fii alhaali ɗannagol ngol ɗoftaaki e sariya . Ko ɓuri rewɓe ujune e cappanɗe taton   kañun e sukaaɓe  mum ɗannike e ndee hitaande naati Erop.  Ujune woɓɓe maayii e nder maayo mediterane. Holko saabi ngol ɓeydagol ɓee rewɓe e dow ɗii laawi ? Ko holɗi e tiiɗallaaji e torraaji ɓe heɓata e ngol laawol. E jonnde ndee, eɗen jaɓɓii Mariyama Kamara ginenaajo, ɗanninooɗo kiɗɗo, Nana Alimata ko burkinaajo  wonɗo Tripoli e duuɓi ƴaɓɓiiɗi ɗii, kanko wonnoo hooreejo fedde rewɓe Burkina ɗanniiɓe.

Ko holno neeneejo haani yewtirde curbaajo makko haa o aafa nanondiral hakkunde maɓɓe? Tedduɓe keɗiiɓe RFI Fulfulde, on njaaraama, bisimilla mon e yewtere Dinngiral Rewɓe dow rfi Fulfulde.Toɓɓere yewtere ndee hannde ana haala fii alhaali kaaldal walla faamondiral hakkunde ɓiɗɗo debbo e inna (neene) mum. Eɗen anndi gila duuɓi sappo ɗiɗi yottaade duuɓi sappo e jeetati, nanondiral e yewtere hakkunde suka debbo e saraaɓe (mawɓe) wonaa ko newii. Holko woni yi’annde mon e toɓɓere ndee. E jonnde ndee, eɗen ngonndi e Kummba JALLO jeyaaɗo Moritani, omo tawaa e wakati nde suka debbo haani heɗaade jewte e waawuuji inna mum. Hassanatu Bah kanko kadi yo inna sukaaɓe rewɓe jeyaɗo Gine, omo faamina en laawi ɗi o ɓami ngam haaldude e ɓiɗɗo makko curbaajo tawa ɓe kaɓataa. Bureyma Ñaali yo renndoyankeejo, kanko woni koɗo men e yewtere ndee.

Toɓɓere ndee yewtere no faati e fitinaaji paweteeɗi e dow rewɓe wonnɓe e dewle, ko holno ɓee rewɓe wuurɓe fitinaaji e nder dewle maɓɓe njaltirta e deƴƴere ɓe waawa haalude ko ɓe wuuri kon. Koɗo men e ndee yewtere ko Raabi Jallo, renndoyankeejo senegalnaajo,sosiyoloogjo e ɗemnga fransiire. E nder yewtere ndee  en  heɗoto kadi seeditanɗe yoga rewɓe wuurɓe fitinaaji e nder dewle maɓɓe.

Toɓɓere yewtere ndee hannde naɓan Gine, en kaalan fii alhaali suudu sosaade e ngam wallude rewɓe lorriiɓe, heɓuɓe torraaji e battane ɗii fitnaaji e ngaɗunooɗi e ñannde 28 lewru 2009 Konaakiri e nder estaadi noddirteeɗo nden ñalaande. Nokkuure nden no noddiree " Suudu ballal  lorroriiɓe fitinaaji. Ko e ndee ñalaande noogay e jeetati lewru  ƴaɓɓiindu nduu, suudu ndun , ɗun kawrii e hiɓugol hitaande gila ñaawoore ɗii warngooji fuɗɗii. E ndee ñawoore, rewɓe loriiɓe seditiike, no tawaa e maɓɓe. Saran Siise e Asmaa'u JALLO hooreejo fedde yimɓe heɓuɓe torraaji e 28 settaambuur, ɓe faminan darnde nduu suudu loriiɓe Gine noddirteede Awipa.

Toɓɓere yewtere ndee hannde no  haala fii nduu lewru " Oktoobur Roos", lewru kertinanaandu jertingol e faamugol kanseer enɗi.En kaalan alhaali ɓee rewɓe heɓuɓe ñawu kansser enɗi, holno nguurdam maɓɓe woniri, caggal nde enɗi maɓɓe taƴaa sabu nguu. Holko saabi yimɓe ɓee ana ƴewirtaa ɓe no haaniri non, E jonnde ndee, eɗen gonndi e Fanta Umaru jeyaaɗo Kamerun mo enɗi mum taƴaa sabu ñawu nguu. Hannde oo debbo heddoraaki enɗi. Ɗum ko gilla himo joggii duuɓi sappo e tati, en heddoto mo e yewtere ndee. Koɗo men hannde ko Faatu Fall hooreejo fedde daraniinde wallude rewɓe heɓuɓe Kanseer Senegaal.

Hannde toɓɓere men yewtere Dingiral rewɓe no warta e  alhaali woɗɗindirgol jiidi.Ko ɗum nafata ? holko huutortorgol ɗum batinanta e calla yoga rewɓe ? Ngam heɓude ko laaɓi e majjum en noddan koɗo debbo safroowo to suudu safrirdu rewɓe e sukaaɓe Njamena to Caad,Jija Caari, o firtana en ko woni e faɗɗitinde rimigol ( woɗɗindirde jiidi). Fade ɗum en keɗotolamnde yoga e heɗiyankooɓe,en nanan kadi konnguɗi yogaaji du e nder  jantoore nde Hamadi Adamu waɗani en to Benen.

Koɗee jam kottee e jam ɗum ko gimol ngol  Fulɓe eggooɓe saha ceeɗu, ngarta e nder gure maɓɓe njimantenoo. On saha tawata ko ndunngu, juumel arii, ladde bulɗii beeli keewii ,reewɓe no ɓira lalorɗe tati haa nayi kosam. Ɗum ko saha ɓooyɗo wonnoo. Hannde huɗo alaa gese nattii woodeede, ndiyam alaa ndunngu nattii, weeyo e taariindi mbayliima.

Tedduɓe heɗiiɓe rfi fulfulde mbaadi toɓɓere yeewtere men Dinngiral Reewɓe hannde ko alhaali mbayliigu weeyo e battane mum e nguurndam rewɓe tentinii ɓee rewɓe dowri.

Bismilla mon e yeewtere men Dinngiral Rewɓe. Holko saabii ɗii waylo waylooji weeyo?  Ko holɗe e peeje ɓameede ngam haɓude nguu mbayliigu weeyo? Ko honɗum woni battane mum e ngurdam rewɓe dowri? Ngam jaabaade ɗee naamne njaɓɓoɗen koɗo men Faatumata Binta JALLO, ginenaajo tawaaɗo e fedde AGOREC. Fedde dariinde,  daditiinde ngam haɓande mbayliigu weeyo.

Gila dawa-dawi Afrik ina jogii bagiiji fina-tawaaji, So tawii hanki ko mawɓe tan ɓornotonoo ɗii comci hannde ɗum waylii. Jooni sukaaɓe ɓee mbattii farnoraade ɗi. Ɗii bagiiji fina-tawaaji tawateeɗi nder Afrik. Holko woni taarika majji e firo majji? No tawaa e ɗii bagiiji, Gude cañaaɗe, wano leppi, gude Bawule, Koddiwaar, "Faso danfani", Burkina Faso Bogolan to Mali, On paami toɓɓere yeewtere men Dinngiral Rewɓe no yowiiti e alhaali comci wala bagiiji fina-tawaaji. E nder ndee yeewtere, en njaɓɓoto Faatu Balde Yansaane kertorɗo gude leppi e ngara jeyaaɗo Gine, Tedduɓe heɗiiɓe Dinngiral Reewɓe on njaɓaama on calminaama Bismilla mon e oo taskaram men.

Gila e hitaande 1967, ina mawninee e nder winndere ñalwama kertinanaaɗo mehugol humammbinaaku. Faandaare ko ngam siftinde yimɓe ɓe nafoore wonnde e waawgol winndude (ekkitagol winndugol) ngam renndo fewngo heɓoo, kono kadi duumiingo. E nder ɗum non, enen naayoriɗen ko to baŋŋe rewɓe. Mbele eɓe njannga? Holto mehugol humammbinaaku tolnii hakkunde rewɓe? Ko Jeynaba Buubu Sow, winndiyanke, jannginoowo e ɗemngal puular fulfulde, en njewtidat e makko ndee toɓɓere. Caggal ɗum en keɗoto seeditannde yoga rewɓe eltaaɓe  e jannde, ɓe anndina en nafoore nde ɓe nji’i e mum.