Dinngiral rewɓe

Toɓɓere yewtere ndee hannde ana haala fii alhaali rewɓe gollooɓe e baŋŋal hiisa "matematik" e ɗemngal fransire. Holko saabi rewɓe ana pamɗi e ngal meccal. Holno nanondiral e naɓidal ngal  hakkunde ɓee rewɓe jannginooɓe hiisa e worɓe wonuɓe e on fannu woniri? E jonnde ndee, eɗen ngonndi e Ayssatu Jallo janngoowo hiisa to Moritani. Mariyamu Muumini joɗɗaniiɗo rfi fulfulde to Kamerun yiidii e Samiha Mohamman Dawuda jannginoowo e liiseKoɗo men e yewtere ndee yo Mariyetu  BARI jannginoowo to liise Jibril Tamsiir Ñaan wonɗo to galluure Kipe, Konaakri.

Toɓɓere yewtere ndee hannde ndee ana haala fii alhaali nawliraagu, holko worɓe e rewɓe kaani waɗude ngam semmbinde deƴƴere e kawral e nder galleeji. Nde wonnoo hannde rafi paamondiral  no taskaa ley galleeji ɗo nawliraaɓe tawaa e mum, kirondiram bonɗam hakkunde rewɓe ɓee e sukaaɓe maɓɓe ɓee . Holko sabii oo alhaali, holɗun haanaa waɗeede ngam sakkaade mette hakkunde sukaaɓe ɓee. En jonnde ndee, eɗen ngonndi e Madar Sangare waajotooɗo ngendiraaɓe (ɓamodirɓe).Hammaduun Bah jeyaaɗo Mali, joomma rewɓe ɗiɗon woni koɗo men e yewtere ndee.Ko ndee woni toɓɓere men ndee hannde, bismilla mon  e yewtere ndee.

Tedduɓe keɗiiɓe RFI Fulfulde, on njaaraama, bismilla mon e yewtere Dinngiral Rewɓe e dow rfi Fulfulde.Toɓɓere yewtere ndee hannde ana haala fii alhaali kawrital rewɓe dowri gollonooɓe hoore mum waɗungal yontere ƴaɓɓiinde ndee Labe e nder Gine.Ɗum waɗii Labe, e nder balɗe ɗiɗi. rewɓe jooma faggorɗe jawdi immiiɓe e baŋŋeeji  leydi ndii fuf fotti mgam okkindirgol miijooji, anndindira waɗtita pehe e gannde.Idriisa Sampiriin JALLO nultondiraaɗo amen Labe waɗanii en jantoore e dow ngal kawrital.Taybu JALLO hooreejo "Soto service Konaakiri, ko kanko woni koɗo men e yewtere ndee.

Toɓɓere yewtere ndee hannde ana haala fii alhaali rewɓe gaynaakooɓe, rewɓe marooɓe daabaaji. E jonnde ndee, eɗen ngonndi e Aminata Siise Dikko jeyaaɗo Burkina Faso, golle makko ko margol (ne'ugol) ngertooɗe. Aamadu Baro BA waɗanii en jantoore e alhaali rewɓe moƴƴinooɓe kosam e dow ñalorma mo guwerneman Senegaal hertinani gaynaaka. Koɗo men e yewtere ndee hannde yo Binta BARI jeyaaɗo e diiwal Mopti ka wuddu leydi ndii, ko o gooto e yimɓe tawaaɓe e fedde rewɓe ngaynaakooɓe Mali. Tedduɓe ko ɗum woni toɓɓere taskaram, bismilla mon e heɗaade yewtere ndee.

Toɓɓere yewtere ndee hannde ana haala fii alhaali rewɓe gollooɓe e baŋŋal hiisa "matematik" e ɗemngal fransire. Holko saabi rewɓe ana pamɗi e ngal meccal. Holno nanondiral e naɓidal ngal  hakkunde ɓee rewɓe jannginooɓe hiisa e worɓe wonuɓe e on fannu woniri? E jonnde ndee, eɗen ngonndi e Ayssatu Jallo janngoowo hiisa to Moritani. Mariyamu Muumini joɗɗaniiɗo rfi fulfulde to Kamerun yiidii e Samiha Mohamman Dawuda jannginoowo e liiseKoɗo men e yewtere ndee yo Mariyetu  BARI jannginoowo to liise Jibril Tamsiir Ñaan wonɗo to galluure Kipe, Konaakri.

Tedduɓe keɗiiɓe RFI Fulfulde, on njaaraama, bisimilla mon e yewtere Dinngiral Rewɓe dow rfi Fulfulde.Toɓɓere yewtere ndee hannde ana haala fii alhaali kaadal walla faamondiral hakkunde ɓiɗɗo debbo e inna (neene) mum.Eɗen anndi gila duuɓi sappo ɗiɗi yottaande duuɓi sappo e jeetati, nanondiral e yewtere hakkunde suka debbo e saraaɓe (mawɓe) wanaa ko newii. Holko woni yi’annde mon e toɓɓere ndee.E jonnde ndee, eɗen ngonndi e Kummba JALLO jeyaaɗo Moritani, omo tawaa e wakati nde suka debbo haani heɗaade jewte e waawuuji inna mum.Hassanatu Bah kanko kadi yo inna sukaaɓe rewɓe jeyaɗo Gine, omo faamina en laawi ɗi o ɓami ngam haaldude e ɓiɗɗo makko curbaajo tawa ɓe kaɓataa.Bureyma Ñaali yo renndoyankeejo, kanko woni koɗo men e yewtere ndee.

Toɓɓere yewtere ndee hannde no yowitii e moƴƴintinde nguurndam mum caggal ceergal. Ko holno alhaali ɓee rewɓe e worɓe woniri caggal sergal maɓɓe. E ndee jonnde men hannde, eɗen njaɓɓii hoɓɓe ɗiɗo, Fata Bari jeyaaɗo Senegal e Mammadu Yero Bari mo Gine. Ɓe ɗiɗon fuf ɓe heddaaki e dewle maɓɓe arane.

Tedduɓe heɗiiɓe RFI Fulfulde, on njaaraama, bismilla mon e yewtere Dinngiral Rewɓe dow rfi Fulfulde. Mi weltiike e tawdeede e mooɗon kasin. Toɓɓere yewtere ndee hannde ana haala fii alhaali margal walla jogagol sukaaɓe caggal cergal resindirɓe.E jonnde ndee, eɗen ngonndi e Jenaba Dikko kertoriiɗo sariya, jeyaaɗo Burkina Faso, kanko woni koɗo men e yewtere ndee.Kura Waan yo moritanaajo, o njaltuɗo e dewgal, o faaminan en, pehe ɗe o ɓami e alhaali fii heddodagol e sukka makko.Ko ndee woni toɓɓere hannde, bismila mon e heɗaade e yewtere ndee.

Tedduɓe heɗiiɓe RFI Fulfulde on calminaama. Bismilla mon e ndee yawtere Dingiral Rewɓe. E ndee yewtere, en njewtan ko faati e laawi ƴetteteeɗi ngam sertugol resindirɓe e dow Sariya.So tawi residirɓe nattii waawde wondude ko holngol laawol ɓe ndewata e baŋŋe sariya ngam cergal maɓɓe laatoo. E nder yewtere en njaɓɓoto Jeneba Dikko, ñaawiyankeejo jeyaaɗo Burkina Faso. O aran ɗoo o faamina en ɗii laabi ƴetteteeɗi.

Tedduɓe heɗiiɓe Rfi fulfulde, on calminaama. Bisimilla mon e kaa taskaram Dinngiral Rewɓe. E ndee yontere en kaalan ko faati e alhaali ɓeydagol limoore cerle hakkunde resindirɓe(jonbindirɓe) e nder Afrik. Yeru Senegaal, e hitaande 2021, ANSD, salndu salndu toppitiindu winnditagol yimɓe anndinii wonnde ko timmii dewle ujune teemedere e noogay e jeego'o e teemeɗɗe ɗiɗi e cappanɗe jeetati e jeego'o firtaa e nder hitaande 2021, ko ɗum woni dewle teemeɗɗe tati e cappanɗe nayi e jowi ñallal kala e nder leydi ndii. Ko holno oo alhaali fewndori  e nder leyɗeele mon? Holko saabii ngol ɓeydagol limoore cergal e hakkunde ɗii genndaaji e nder Afrik? En yewtidan e Mariyam Sire BAH, ginenaajo, waajotooɗo resindiirɓe, Raabi JALLO, renndoyanke senegalnaajo e Ibrahima Ba, sertuuɗo e suddiiɗo makko.