Dinngiral rewɓe

Hannde toɓɓere men ina haala ko faati e alhaali ɓeydagol golle nder suudu wonande rewɓe ɓen e nduu lewru korka. Woɓɓe e maɓɓe ina ngaɗɗa njeygu e wakati Korka.Ko honno ɓee rewɓe woni  hawridinde ɗii golleeji fuf e ley ndu lewru.E jonnde ndee, eɗen gonndi e Binta Jallo jeyaaɗo Mali, ko o yeeyeewo, o faamina en, no golle makko yahrata. Mammadu Jonngaasi BAH joɗɗaniiɗo RFI fulfude Gine waɗɗani em jantoore e dow toɓɓere ndee.Koɗo men hannde e yewtere ndee hannde, ko Acciya MBooj, maritaninaajo renndoyankeejo.

Hannde e Dinngiral Rewɓe no addani heɗiaynkooɓe RFI Fulfulde, toɓɓere hesere. Alhaali waylugol gurii ɓandu mum. Ko ɗum woni wujagol nebbe rawninanɗe nguru. Ɓaleeɓe ɓen no ɗuuɗi huutorgol ɗee nebbe, tentinii rewɓe ɓen. Ko woni sabu rewɓe no wujoo ɗee nebbe? Ko holno worɓe ɓen yi'irta ɓee rewɓe wujiiɓe? Holko ɗum battinta e cellal maɓɓe? En paaman ɗum e nder ndee yewtere.  Koɗo men ko Fatimata Geey Mbooɗi (miss) Matam, Senegaal 2014. Ko kanko ardii fedde jeertinoore wujutooɓe no wi'ee " Sénégal dans la peau".

Tedduɓe keɗiiɓe RFI Fulfulde, on njaaraama, bismilla mon e yewtere Dinngiral Rewɓe dow rfi Fulfulde.Toɓɓere yewtere ndee hannde ana haala ko faati e alhaali ɓeydagol cogguuli ka jeere. Ko holno  koreeji ɗin woni jaɓɓoraade ndee saɗteende e nduu lewru suumaye?.E jonnde ndee en cilminan Hammadun BA jeyaaɗo Mali, o haalanan en, peeje ɗe o ɓami ngam wallude debbo makko e nduu lewru korka.Mariyamu Muumini joɗɗaniiɗo men Kamerun waɗɗanii en jantoore ndee toɓɓere.Ko Faatumatu Ann, jannginoowo, jeeyaaɗo Moritani woni koɗo men e yewtere ndee.

Hannde en kaalan ko faati alhaali baandi rewɓe e dow mejaaje renndo. Ina taskaa e nder  ɗee mejaaje renndo, rewɓe ina hollireede e majje tawa ko e mbaadi bonndi.  Ko holno renndo ngoo yiiri ɗum e ko holto caɗeele ɗee ngoni ? Ko Sokhna Selli Baro renndoyanke e Sammba Joop hertorɗo mejaaje renndo woni hoɓɓe men.

On salminaama heɗiyankooɓe RFI fulfulde, hannde e taskaram men Dinngiral Rewɓe en kaalan ko faati e alhaali famɗugol limoore rewɓe to naftoragol  dijital (karalle kese walla annde kese). Rafi gollirde rewɓe e ɗee annde kese no ɗuyti keɓan e faggudu  aduna on. Ko ɗum  wii fedde ONU Faam e tefoore maɓɓe nde hitaande 2022. Rafi potal hakkunde worɓe e rewɓe no taskaa sanne to huutoragol annde kese ɗee e janndeeji e golleeji rewɓe ɓee. Nde huunnde no saabi ɗuytude fonnde ujunere miliyaarji kaalisi dolaar, tawa so dabare ɗum heɓaaki alhaali on ɓeydoto. Hono darnde rewɓe woniri to naftorade karalle kese ɗee to jannde e golle maɓɓe. En kaalan ko saabii limoore rewɓe ɓee no famɗi faa jooni e huutoraade ɗee annde kese, tiiɗormaaji ɗi ɓe kawrata e ɗii gollitorɗi teknoloji kesi.Faa keɓen ko laaɓi e mum, en salminan, Hawa Jim golloowo fannu informatik, en keɗoto kadi Aminata TALL, debbo naftortooɗo mejaaji renndo baŋŋe njeyngu e dow internet. En njewtidan e Mawomi jannginoowo e on fannu dijital, informatik to Gine,e keɗoto Marjaan suka debbo Kamerunaajo janngoowo e ɗi fannuuji .Heɗiyankooɓe Dinngiral Rewɓe  kumpitan en ji'annɗe muɓɓe.

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe dow rfi Fulfulde. Toɓɓere yewtere ndee hannde no haala fii  ngurdam rewɓe jukkuɓe (belsuɓe) walla yimɓe ɗawaaɓe tere (terɗe). Fii waɗangol on kaa taskaram hannde meɗen njiilori Welingara e nder diiwal Kolda to Senegaal. E jonnde ndee, eɗen ngonndi e Mariyetu Bajan hooreejo mojobere rewɓe jukkuɓe Welingara daraniinde ɓamtaare maɓɓe e nder nokkuure nden. Koɗo ɗimmo on ko Habib Sabali ko kanko woni hooreejo worɓe e rewɓe belsuɓe e nder diiwal ngal.

Tedduɓe keɗiiɓe RFI Fulfulde, on njaaraama, bismilla mon e yewtere men Dinngiral Rewɓe dow rfi Fulfulde. Toɓɓere yewtere ndee hannde ana haala fii eɓɓooje reenirɗe tariindi ɗe rewɓe sinci wala gollirɗe ɗe rewɓe moƴƴini ngam reenude tariindi. Holko woni yi’annde mon e ndee toɓɓere. E jonnde ndee, eɗen ngonndi e Kura LIH, jeeyaɗo Senegaal golloowo Zinginshoor e gollirde daraniinde moftude e baylitude tunndi. Fatimata Kaan yo moritaninaajo, o hooreejo faggorgal jawdi "Rim art e recyclage". Sosiyete waylanɗo kuleeje (pineeje) bonɗe hawkaaɗe e dow laawi. Fatimata Kaan woni koɗo men hannde e yewtere ndee.

Hannde Dinngiral Rewɓe no yewta fii  alhaali  ɓee rewɓe e worɓe ɓeydooɓe, walla ustooɓe terɗe maɓɓe tawa ko fii ɓeydugol ŋari maɓɓe. Ko holno ñawirɗon oo alhaali? Holko ngol tekitagol tere mum waawi battinde e cellal waɗooɓe ɗum?

Toɓɓere yewtere Dinngiral Rewɓe ana haala hannde ko faati e rewɓe ɗanniiɓe gaynuɓe haaju., Golle maɓɓe e nafaaji maɓɓe.Holko woni yi’annde mon e toɓɓere ndee.  Ko holɗum woni sabaabu gaynal ɓee rewɓe ?E jonnde ndee eɗen gonndi e Dokteer Burema Eli Dikko renndoyanke jannginoowo e iniwersiteeji to Bamako lamorngo Mali. Ko kanko woni koɗo men e ndee yewtere.Ceerno Muussa Bah jooɗaniiɗo rfi Fulfulde Faransi waɗanii en jantoore e dow ndee toɓɓere.

Tedduɓe keɗiiɓe RFI Fulfulde, on njaaraama, bismilla mon e yewtere men Dinngiral Rewɓe dow rfi Fulfulde.Toɓɓere yewtere ndee ana haala fii alhaali ñalorma adunayankoojo kertanaaɗo rewɓe kañun e sukaaɓe rewɓe gollooɓe e "science" ɗun woni wiɗto e gannde kese.E teddingol oo ñalorma yewtere dinngiral rewɓe yewtidan e rewɓe gollooɓe e banngal  uyki. E jonnde ndee, eɗen ngonndi e faatumata Dikko jeeyaɗo Burkina faso ,golloowo e alhaali waylugollitingol naange watta kuuran. O faamina en nafa ɗee golle. Koɗo men e yewtere ndee yo Kadia ÑANG, Moritaninaajo hertorɗo uyki.Bismilla mon e heɗaade ndee yewtere.