ថ្ងៃទី​១៥សីហា​ គឺជាទិវាឯករាជ្យជាតិឥណ្ឌា។ អស់រយៈពេល​៧៥ឆ្នាំកន្លងមកនេះ ឥណ្ឌាបាន​ងើបចេញពី​របបទាសភាព នៃអាណានិគមរបស់អង់គ្លេស ហើយ​បាន​កសាងខ្លួន​បន្តិចម្តងៗ ក្លាយជាមហាអំណាច​អាស៊ីមួយ​ដ៏សំខាន់។ ជាមួយនឹងចំនួនប្រជាជន ដែលនឹងឡើងលើសចិន ពោលគឺប្រមាណ​​១៤០០លាននាក់ នៅរវាងប៉ុន្មានឆ្នាំខាង​មុខនេះ​ ឥណ្ឌាគឺជាទីផ្សារសេដ្ឋកិច្ច​មួយដ៏ធំ នៃពិភពលោក​។  តែទន្ទឹមគ្នានេះ ទំនោរនយោបាយ​ផ្ទៃក្នុង បែបជាតិ​និយម​ជ្រុល ដែល​ដឹកនាំ​​ដោយ​លោក​នាយករដ្ឋមន្ត្រី​ណារិន្ទ្រ ម៉ូឌី កំពុងតែធ្វើ​ឲ្យ​គេព្រួយបារម្ភជាខ្លាំងផងដែរ។