ថ្ងៃទី៨ មីនា​នេះ​ជា​ទិវា​សិទ្ធិនារី​អន្តរជាតិ។ នៅ​ក្នុង​រយៈពេល ២ឆ្នាំ​កន្លង​ទៅ គឺ​ឆ្នាំ ២០២០ និង​ឆ្នាំ ២០២១ ទិវា​សិទ្ធិនារី​អន្តរជាតិ​បាន​ប្រារព្ធ​ឡើង​នៅ​ក្នុង​បរិបទ​ដែល​ពិភពលោក​បាន​រងគ្រោះ​ខ្លាំង​ដោយ​ជំងឺ​កូវីដ១៩។ តែ​សម្រាប់​ឆ្នាំ ២០២២ និង​ខណៈ​ដែល​វិបត្តិ​កូវីដ១៩ នៅ​មិន​ទាន់​បិទ​បញ្ចប់​ទាំង​ស្រុង ពិភពលោក​ហាក់​កំពុង​ប្រឈម​នឹង​វិបត្តិ​ថ្មី​មួយ​ទៀត​ដែល​កើត​ចេញ​ពី​សង្រ្គាម​នៅ​ក្នុង​ប្រទេស​អ៊ុយក្រែន។ ទោះ​ជា​យ៉ាង​នេះ​ក្តី សមភាព​រវាង​ស្រ្តី និង​បុរស​សម្រាប់​គ្រប់​ផ្នែក និង​គ្រប់​វិស័យ​នៅ​បន្ត​ជា​ប្រធានបទ​ចម្បង​សម្រាប់​ទិវា​សិទ្ធិនារី​អន្តរជាតិ។