នៅក្នុងប្រព័ន្ធព្រះអាទិត្យ​របស់​យើង​នេះ ភពទាំងអស់​មាន​ចលនា​វិលជុំវិញ​ព្រះអាទិត្យ នៅ​ក្នុងទិសដៅបញ្ច្រាស​នឹង​ទ្រនិច​នាឡិកា ហើយ​យើង​ក៏ដឹង​ផងដែរថា ​ភពនីមួយៗ​មាន​ចម្ងាយពីព្រះអាទិត្យ ទម្រង់គន្លង និង​រយៈពេល​មួយជុំព្រះអាទិត្យ​ជាក់លាក់។ យើង​អាច​ដឹង​រឿងទាំងអស់​នេះបាន តាមរយៈទ្រឹស្តី​របស់​អ្នក​ប្រាជ្ញ​អាល្លឺម៉ង់​ដ៏​សំខាន់​មួយ​រូប នៅ​ក្នុង​ប្រវត្តិសាស្រ្ត គឺ យ៉ូហាណេស កេព្ល័រ (Johannes Kepler)។