ពិភពលោកទាំងមូល កំពុងព្រួយ​បារម្ភខ្លាំង អំពីកូវីដ​១៩ ទំរង់បំប្លែងខ្លួន​ឥណ្ឌា ឬហៅថា ទម្រង់បំប្លែងខ្លួនដែលតា ដែល​មានកម្លាំងឆ្លងរាលដាលខ្លាំង។ ក៏ប៉ុន្តែថ្មីៗនេះ គេបាន​រកឃើញទម្រង់បំប្លែងខ្លួន​ថ្មីមួយទៀត ចេញពីកូដវីដ​១៩ ដែលតា ដែលគេហៅឈ្មោះថា ដែលតាផ្លឹស (Delta Plus)។ កូវីដ​១៩ ទម្រង់បំប្លែងខ្លួនដែលតាផ្លឹសនេះ មានវត្តមាន​នៅតាម​ជាង​១០ប្រទេសហើយ គិតមកត្រឹមពេលនេះ។ នៅប្រទេសឥណ្ឌា ដែលគេរកឃើញទម្រង់បំប្លែងខ្លួនថ្មីនេះមុនគេនោះ អាជ្ញាធរកំពុងតែមានព្រួយបារម្ភជាខ្លាំង អំពីករណីឆ្លងរាលដាល និងស្លាប់មនុស្ស​កាន់តែច្រើន។