ប្រធាន​សភា​អាមេរិក លោកស្រី ណាន់ស៊ី ប៉េឡូស៊ី​បានផ្តើមទស្សនកិច្ច​មួយជុំ​នៅអាស៊ី ដោយ​ចាប់ផ្តើម​នៅប្រទេស​សិង្ហបុរី នៅថ្ងៃចន្ទ​ទី ១​សីហានេះ។ ទស្សនកិច្ច​មួយជុំ របស់​ប្រធានសភាអាមេរិក នៅ​អាស៊ី ដែល​មាន​ម៉ាឡេស៊ី កូរ៉េខាងត្បូង និង​ជប៉ុន កំពុងស្ថិតក្នុងក្រសែភ្នែកតាមដានខ្លាំងណាស់ ជាពិសេស​មហាអំណាចចិន ដែលបារម្ភថា ប្រធានសភាអាមេរិក លោកស្រី ណាន់ស៊ី ប៉េឡូស៊ី​នឹងអាច​ចុះសំចត​នៅ​តៃវ៉ាន់ ដែល​ចិន​បានចេញមុខ​ប្រឆាំង​ដាច់ខាត។ ប៉េកាំង ធ្លាប់បាន​គំរាមរួចហើយថា ទស្សនកិច្ច​របស់​លោកស្រី ណាន់ស៊ី ប៉េឡូស៊ី នៅតៃវ៉ាន់​គឺសកម្មភាពញុះញង់​របស់​អាមេរិក ដែល​ចិន​នឹង​ចាត់វិធានការ​ខ្លាំង​វាយបកវិញ។ នៅក្រោយ​ការគំរាមកំហែង​របស់​ចិន តើ​ប្រធានរដ្ឋសភា អាមេរិក​នឹង​ឆ្លៀតចុះ​បំពេញ ទស្សនកិច្ច​នៅតៃវ៉ាន់ ដែរឬទេ?