លោកប្រធានធិបតីចិន ស៊ី ជីនពីង បានទៅដល់ទីក្រុងម៉ូស្គូ​ហើយ នៅរសៀលថ្ងៃចន្ទ ទី​២០មីនានេះ។ ដំណើរទស្សនកិច្ច​ដែល​កំពុងត្រូវគេរងចាំតាមដានបំផុត ជាពិសេស ពីភាគីអ៊ុយក្រែន ខណៈចិន​កំពុងប្រឹងប្រែង​ធ្វើខ្លួនជាអាជ្ញាកណ្តាល​ដើម្បី​ដោះស្រាយ​បញ្ហា។ តែទន្ទឹមគ្នានេះ តាមរយៈទស្សនកិច្ច​នេះ វាបាន​បង្ហាញ​ពី​​ភាពស្និទ្ធស្នាលនិងចំណងសម្ព័ន្ធភាព រវាង​លោក​ស៊ី ជីនពីង និង​លោកពូទីន​ ដែលកាន់តែរីកធំខ្លាំងក្លា ​ហើយ​ដែល​វា​​​ធ្វើ​ឲ្យ​គេព្រួយ​បារម្ភ ព្រោះចិនអាចនឹងជួយទំនុកបម្រុងរុស្ស៊ី ក្រោមរូបភាពផ្សេងៗ ដើម្បីរួមគ្នា​​យកឈ្នះសង្គ្រាមជាមួយសម្ព័ន្តមិត្តលោក​ខាងលិច។