កំណើនសេដ្ឋកិច្ចសកលនៅឆ្នាំ២០២៣នឹងអាចមានកម្រិតខ្សោយខ្លាំង រាប់ចាប់តាំងពីឆ្នាំ២០០១។ មូលហេតុចម្បងគឺដោយសារពិភពលោក ត្រូវបន្ដប្រឈមទល់នឹងវិបត្តិភូមិសាស្រ្ដនយោបាយ វិបត្តិនៃការឡើងថ្លៃទំនិញជាទូទៅ វិបត្តិសង្គ្រាមឈ្លានភាពរបស់រុស្ស៊ីលើអ៊ុយក្រែន និងវិបត្តិជំងឺកូវីដ១៩។ រីឯ សេដ្ឋកិច្ចរបស់កម្ពុជាកំពុងងើបឡើងវិញបានល្អ ប្រៀបធៀបជាមួយអំឡុងពេលនៃការផ្ទុះជំងឺកូវីដ១៩ ក៏ប៉ុន្តែកំណើនសេដ្ឋកិច្ចនេះអាចនឹងត្រូវប្រឈមជាមួយវិបត្តិសកលនានាដែលកំពុងកើតមានឡើង នៅលើសកលលោក។