የእስራኤል ጦር በጋዛ ሊያካሒድ ያቀደው መጠነ-ሰፊ ወታደራዊ ዘመቻ “አስከፊውን ሰብአዊ ሁኔታ የበለጠ ያባብሳል፤ የታጋቾችን ሕይወት አደጋ ላይ ይጥላል” ሲሉ የጀርመን እና የዩናይትድ ኪንግደምን ጨምሮ የአምስት ሀገራት የውጪ ጉዳይ ሚኒስትሮች ተቃወሙ። ዘመቻው “የሰላማዊ ሰዎችን በጅምላ መፈናቀል” ሊያስከትል እንደሚችልም ሀገራቱ ሥጋታቸውን ገልጸዋል።

የቀድሞ የናይጀርያ ፕሬዚዳንት ሙሀመድ ቡሃሪ እና የዛምቢያዉ ፕሬዚዳንት ኢድጋር ሉንግዉ በውጭ ሀገር የህክምና ጣብያዎች ዉስጥ መሞታቸው የአፍሪቃ መሪዎች በራሳቸው አገራት የጤና ጥበቃ ስርዓት ላይ እምነት ማጣታቸዉን ያመላከተ እና ከፍተኛ ዉይይቶችን ያጫረ ሆንዋል። ባለሥልጣናት እና ልሂቃን ለምን በአገራቸዉ የጤና ተቋማት ላይ እምነትን አጡ?

ዘንድሮ፣በቶሮንቶ ካናዳ ዮርክ ዩኒቨርሲቲ የአራተኛ ዓመት የኮምፒውተር ኢንጂነሪንግ ተማሪ የሆነው ናሆም፣የአፕል ኩባንያ ለተማሪዎች ያዘጋጀውን ውድድር በማሸነፍ አለም ዓቀፍ ዕዉቅና አግኝቷል ።አሸናፊ የሆነበትን አዲስ መተግበሪያ ይዞ፣ ካሊፎርኒያ ውስጥ በተካሄደው የኩባንያው ኮንፈረንስ ላይ በመገኘት፣ከኩባንያው ሥራ አስፈጻሚ ጋርም ተወያይቷል።

ታላቁ የኅዳሴ ግድብን በተመለከተ አወዛጋቢ አስተያየት የሰጡት የአሜሪካ ፕሬዝደንት ዶናልድ ትራምፕ በኢትዮጵያ፣ ግብጽ እና ሱዳን መካከል በሚደረገው ድርድር እጃቸውን የማስገባት ፍላጎት አሳይተዋል። ግብጽ የአሜሪካ ሴናተሮችን በጉዳዩ ላይ ስታወያይ ሰንብታለች። ዶይቼ ቬለ በአሜሪካ የጆርጅ ሜሰን ዩኒቨርሲቲ መምህር የሆኑት ብሩክ ሐረጉን አነጋግሯቸዋል።

በጋምቤላ ክልል በነሐሴ ወር ከመደበኛ መጠን ያለፈ የዝናብ ስርጭርት ሊኖር እንደሚችል የኢትዮጵያ ሜትሪኦሎጂ ኢንስቲትዩት አስታወቀ። ይህንን ተከትሎ ድንገተኛ ጎርፍ ሊከሰት ስለሚችል ቅድመ ዝግጅት እንዲደረግም አሳስቧል።

ስምንት የፖለቲካ ድርጅቶችን ያቀፈው ኮከስ «ገጽታውን እየቀያየረ በሕዝብ ላይ የሚደርስ» ያለው «እልቂት» እንዲገታ ገዢውን ሥርዓት «በሰላማዊ፣ ዲሞክራሲያዊና ሕዝባዊ ትግል መቀየር የግድ ይላል» ሲል የትብብር ጥሪ አቀረበ።

ባለፉት ሁለት ዓመታት ከትግራይ ክልል ቢያንስ 60 ሺህ ወጣቶች ወደ ዓረብ ሃገራት በሕገወጥ መንገድ መሰደዳቸውን የተደረገ ጥናት አመላከተ።ሥራ አጥነት እና የፖለቲካ አለመረጋጋት የወጣቶቹ ስደት ዋነኛ ምክንያቶች መሆናቸው ተገልጿል።

20ኛው በአውሮጳ የኢትዮጵያውያን የባህል እና ስፖርት ዝግጅት በጀርመኗ የንግድ ከተማ ፍራንክፈርት በቅርቡ ተካሂዷል። በዚህ ዝግጅት ለመሳተፍ ከተለያዩ የአውሮጳ ሃገራትና የአስተናጋጇ ሀገር የጀርመን ከተሞች የመጡ ኢትዮጵያውያን እና ትውልደ ኢትዮጵያውያን ፍራንክፈርት ከተማ ላይ ታድመዋል። በ

ባለፈው ሳምንት ረቡዕ እና ሓሙስ በኦሮሚያ ክልል ምዕራብ አርሲ ዞን እና የሲዳማ ክልል ምስራቃዊ ዞን እንዲሁም በኦሮሚያ ክልል ምዕራብ አርሲ ዞን ኮኮሳ ወረዳ እና የሲዳማ ክልል ምስራቃዊ ዞን ቡራ ወረዳ በሚዋሰኑባቸው ሁለት ቀበሌያት በተነሳው ግጭት የሰው ህይወት ማለፉ እንዲሁም ሰውና ንብረት ላይ ጉዳት ስለመድረሱ ተነግሯል፡፡

የኢትዮጵያ ኤሌክትሪክ ኃይል በቅርቡ ይፋ ያደረገው የኃይል መሸጫ ዋጋ ተቋሙ የኃይል ማመንጫዎችን፣ ማስተላለፊያ እና ማከፋፈያ ጣቢያዎችን ለመገንባት፣ ጥገናዎችን ለማከናወን የሚያወጣውን ወጪ ለመሸፈን የሚያስችል አለመሆኑን ዛሬ ሐሙስ ገልጿል