កាលពីថ្ងៃចន្ទ ទី៨សីហាដើមសប្តាហ៍នេះ សមត្ថកិច្ច FBI បានចុះទៅឆែកឆេរ ដល់គេហដ្ឋានរបស់​លោក ដូណាល់ ត្រាំ នៅឯរដ្ឋផ្លរីដា។ នេះជាករណីមិនដែល​ធ្លាប់មាន​ទេ ដែលសមត្ថកិច្ច ចុះទៅឆេរឆេដល់ផ្ទះអតីប្រធានធិបតីបែបនេះ។ ​កាលពីថ្ងៃសុក្រ​ទី​១២សីហា​ ក្រសួង​យុត្តិធម៌អាមេរិក បានផ្សាយ​​បង្ហាញជាសាធារណៈ នូវឯកសារតុលាការដែល​ទាក់ទិននឹងការចុះឆែកឆេរនេះ។ យោងតាម​ឯកសារទាំងនេះ គឺសមត្ថកិច្ច FBI បានរកឃើញ “ឯកសារសម្ងាត់ជាតិ” ជាច្រើននៅផ្ទះលោកដូណាល់ត្រាំ ក្នុង​នោះមានសំណុំឯកសារស្តីពីប្រធានាធិបតី​បារាំង ថែមទៀតផង។