Farafinna sɔrɔ ko

Avrilikalo daminɛ, miliyari fila ɲɔgɔn de bɔra ka tilan kunnafolidila 164 cɛ u cɛgɛdaw ka dɛmɛw hukumu kɔnɔ. Burkina Faso, san 2025, miliyɔn 320 fana dira kunnafolidiso 70 ma. O n'a ta bɛɛ u ka gɛlɛyaw ka ca sɔrɔko fanfɛ. Kunnafolidisow ka sɔrɔ siraw ye jumaw ye? Lɔgɔ un in sɔrɔko jɛmukan bɛ kuma o de kan. 

Iran fan kelen USA ni Israël fan wɛrɛ, o bi ka mugu ci ɲɔgɔn kan kabi lɔgɔkun 3 kɔnɔ. O y'a kɛ taji ni gazi sɔngɔw bi ka yɛlɛ fɔ ka tɛmɛ diɲɛ kɔnɔ, wa a kɔlɔlɔw fana bɛ ka dadigi kɛ kabini kelen jamana caman kɔnɔ. An ka sɔrɔko jɛmukan bɛ kuma o kɔlɔlɔw de kan sɔrɔko fanfɛ diɲɛ kɔnɔ. Tajicɛgɛda Hydrodrill ɲɛmaa ni Côte-d'Ivoire taji ni gazi cɛgɛdatigiw ka jɛkulu ɲɛmaa Kamel KONE de ye Issouf ZERBO ka maa welelen ye. 

Madina sugu Conakry, Touba dugu ka sugu, Ouagadougou Sankar yaare, tasuma y'o mɛnɛ ka ye, dɔw yɛrɛ ta kɛra siɲɛ caman. Kɔsa in na fevuruyekalo tile 16, feerekɛyɔrɔba dɔ jɛnina Bobo lɔgɔba kɛrɛfɛ. o lon kelen na, Sougouni koura de jɛnina Bamako. Mun bi na n'o kasaaraw ye? O kɔlɔlɔw ye jumaw ye? Fɛɛrɛ jumanw de bɛ se ka sɔrɔ k'o ɲakɔrɔtigɛ? Sɔrɔko jɛmukan bɛ kuma o de kan. 
 

Malo sɔrɔla ka caya forow kɔnɔ farafinna tilebenyanfan fɛ. Etats-unis sɛnɛko cɛkɛda USDA y'o jatiminɛ Sénégal, Mali ani la Guinée jamanaw kɔnɔ. U ka jatiminɛsɛbɛn min tɔgɔ ye "san sumanw ni dumuni kow", kɛmɛsara la, 2 de farala sɔrɔ tɛmɛnenw kan jamana 3 nunu na. Nga, malo tɛ ka san. Jamanadenw bɛ kɔkanmalo fɛ ka tɛmɛ an yɛrɛ ka malo sɛnɛtaw kan. 

zuwɛnkalo sɔrɔko jɛmukan laban in na, an bi kuma di muso kɛnyɛrɛye cɛsirilen fila ma. A fɔlɔ ye Fatoumata Seydou KONE ye, cɛgɛda Marinfin ɲamɔgɔ lo min bi sɛnɛbaaraw, bayɛlɛmani ani kalandi mɔgɔw ma ka bɔ Sikasso Mali la. A filanan ye Hadja Djakagbé KABA ye ka bɔ Kankan la Guinée jamana na. A bi nankɔ ni fonisɛnɛ ni bayɛlɛmabaaraw kɛ.

Diɲɛ tɔnba ONU ye lon min sigi waricili somɔgɔw ma kunkɔrɔ zuwɛnkalo tile 16, o hukumu kɔnɔ, Sɔrɔko jɛmukan bɛ nin dɔgɔkun in baabu kɛ o kan. Issouf ZERBO n'a ka maa welelen sɔrɔko dɔnbaga Modibo Mao MAKALOU bɛ walawalaliw kɛ o ko kan. Wari minnu ci somɔgɔw ma, u jɔyɔrɔ ye mun ye  sigidaw ni jamanaw yiriwali la.

Marabaga dɔw iko Burkina Faso ta, Côte-d'Ivoire, Mali walima Sénégal bi latigɛw ta ka sɛnɛfɛnw ni feerefɛn dɔw bɔli bali wagati kɔnɔ. Marabaaw ka latigɛ talenw ka feerefɛnw bɔli bali kɔkan, o latigɛ sugu ta kun bi dafa tuma bɛɛ wa? Lɔgɔkun tɛmɛnen an kumana o kan sɔrɔko jɛmukan na, nin sen in na, an bɛna kuma, o latigɛw kɔlɔlɔw kan. An ka Issouf ZERBO n'a ka maa weelelen lamɛn.

Marabaga dɔw iko Burkina Faso ta, Côte-d'Ivoire, Mali walima Sénégal bɛ latigɛw ta ka sɛnɛfɛnw ni feerefɛn dɔw bɔli bali wagati kɔnɔ. Laɲini ye k'o fɛnw ka labɔli kɛ an'u sɔngɔw ka nɔgɔya. Mɛkalo tile 8 lon tɛmɛnin na, Burkina marabaaw y'a latigɛ sugu ta,  ko baganw tɛ bɔ jamana kɔnɔ. Yala o latigɛ sugu takun bi matarafa tuma bɛɛ wa? Issouf ZERBO n'a maa welelen bɛ kuma o de kan.

An ka sɔrɔ ko jɛmukan na bi, an tagara bɔ muso cɛsirilen kɛnyɛrɛye fila ye. A fɔlɔ ye Aïchatou TRAORE ye, farafinnafanidilanla lo Bamako. A filanan ye Hazara TOE, nɔnɔbayɛlɛmala ni cɛkɛda "Laiterie Café Rio" sigibaga lo Bobo-Dioulasso. An bi kuma di o muso cɛsirininw ma u k'u  ka baaraw n'u ka diɲɛlatigɛ kɛcogo ɲafɔ an ye, o bɛ se ka kɛ misali ye muso wɛrɛw ma. 

Nɔnɔ ka kɛ sɔrɔ sira ye baganmaralaw fɛ, ka kɛ sababu ye ka yiriwali don farafinna jamanaw kɔnɔ. O baabu de kɛra nɔnɔ kunkanlajɛrɛ tako 5nan kɔnɔ. O lajɛrɛ kɛra Saly dugu la Sénégal k'a ta mɛkalo tile 12 k'a kuncɛ a tile 14 lon. An ka sɔrɔko jɛmukan bɛ taga n'an ye yen ka kuma o kan.