Farafinna sɔrɔ ko

Farafinna jamanaw tɔgɔlapankurun cɛgɛdaw bɛ ni gɛlɛya caman ye. O gɛlɛyaw ye jumanw ye? Fɛɛrɛw ye jumanw ye sanko k'u ka baaraw sabati, ka mɔgɔw wasa ni ka sɔrɔw caya? An ka sɔrɔko jɛmukan bɛna sinsin o de kan. 
O la, Issouf ZERBO bɛna masaala ni Mamadou ZERBO ye. Ale ye pankurundilanla ye n'an ko "maintenancier aéronautique" Dakar Sénégal.

Sénégal jamana ye juru ɲinini boloda sɛtanburu la jamanadenw fɛ sanko ka CFA wari miliyari 300 fara ɲɔgon kan. Fransi kan na, an ko "emrpunt Obligataire". O kun ye ka nafolo sɔrɔsiraw caya, ka ta yɛrɛyeya sinsin ani ka se ka baarabolo musakaw sɔrɔ iko kalanko, kɛnɛya, kuranko, sɛnɛbaara, olu n'u ɲɔgɔn caman. O juru ɲini sira in bise ka faamu cogojuman ? A be boloda nin k'a waleya cogodi ? Issouf ZERBO n'a ka ma welelen Guinée sɔrɔko donbaga Dr Amara TOURE bɛna kuma o kan sɔrɔko jɛmukan in na.

Mauritanie, Sénégal Gambie, Guinée Bissau ni Guinée Conakry jamanaw ka kulu, tɔgɔsurun na MSGBC ka lajɛrɛ tako 4nan kɛra Dakar k'a ta ntɛnɛ wa a bi kuncɛ bi alamisa. Laɲini ye, ka hakilifalenw kɛ ni ka baaraɲɔgɔnyaw kologiriya sanko taji, gazi, kuran ni dugujukɔrɔnafolo bɔli baaraw ka nɔgɔya ani a ka jamana ni jamanadenw nafa. An ka sɔrɔko jɛmukan in bɛ taga n'aw ye o kɛnɛ kan.

La Guinée marabagaw ye Simandou nɛgɛbɔbaaraw  bila senka  novanburualo tile 11. O baara tun makɔnɔnen don kabi san 30 ɲɔgɔn sisan. O nɛgɛbɔlibaaraw bɛna kɛ "Winning Consortium Simandou" fɛ (WCS) , Chine ka cɛgɛda ni "Simfer", "Rio Tinto" n'a jɛɲɔgɔn Chinalco. O nɛgɛ bina fara dugujukɔrɔnafolo tɔw kan ni ka nafolo miliyari caman ka lase jamana ma ani jamanadenw ma. An ka sɔrɔko jɛmukan in bina kuma o de kan

.

 A fɔlɔ ye Mawa KOUROUMA ye ka bɔ Kankan, La Guinée jamana kɔnɔ. Sɛnɛkɛlaba don min bɛ bayɛlɛmani kɛ fana. A filanan ye fanibaarakɛla ye kɛrɛnkɛrɛnya la kɔkɔdonda fani Bobo-Dioulasso Burkina.
 

Lɔgɔkun jan tɛmɛnen  an kumana JNIM jaatigɛwalekulu ka gɛrɛntɛnw kan min ye ka tajitamɔbiliw bali ka don Mali la, a kɔlɔlɔ minnu bɛ jamanadenw kan. Nin sen in na, an bɛna masala o tajiko dɛsɛ kɔlɔlɔw de kan, nga min bɛ ɲasin jamana sɔrɔko ma, jamana ka san nata musakaw ni yiriwali ko ma. 

Waatiyɛlɛma bɛ kɔlɔlɔba de lase farafinna togodaw ma sɔrɔko fanfɛ kɛrɛnkɛrɛnnenya la baganmara, mɔnibaara ani yiridenw ko fanfɛ. Sɔrɔko jɛmukan in na, an bɛ kuma waati yɛlɛma kɔlɔlɔw kan Mande jamanaw kɔnɔ o baarabolow fana minnu jɔyɔrɔ ka bon togodaw ka sɔrɔw la.

A bi taara kalo fila la sisan ni JNIM jaatigɛwalekulu ye gɛrɛntɛnw sigi ko tajitamɔbiliw si tɛ don Mali kɔnɔ kɛrɛnkɛrɛnya la Bamako. U ye binkanni ɲɛsin tajitamɔbili lakananenw caman jɛnina. O kɛra ka tajiko dɛsɛ donna jamana in kɔnɔ. A kɔlɔlɔw ka jugu jamanadenw ma. Sɔrɔko jɛmukan in kɔnɔ, an bɛ kuma o tajitanya gɛlɛyaw de kan jamanadenw kan. 

An ka sɔrɔko jɛmukan in na, an bɛ kuma muso kɛnyɛrɛyecɛkɛda sigibaga fila kan minnu cɛsirilen don bayɛlɛmanibaaraw la. A fɔlɔ ye Aïcha CAMARA musojɛkuluba "groupement Damou" ɲɛmaa. A filanan ye Khadiatou DIAWARA ye, kalansow "Imako Ikaso" sigibaga lo Bamako Mali la. Muso fila nunu b'u ka cɛgɛdaw kumaw fɔ ani kun min y'o ladi ka don kɛnyɛrɛye kɔnɔ. Issouf ZERBO

Hakili duman dilannen ye baarada ni baarasɔrɔ sababu ye diɲɛ kɔnɔ. Baarada million 170 de bɛna se ka sɔrɔ a sababu la. Nga a bɛna baara dɔw lasa walima k'u yɛlɛma. O bɛ tara miliyɔn 70 la.  An ka sɔrɔko jɛmukan in bɛ kuma hakili duman dilannen ɲɛciw kan wa fana a senkɔrɔ degunw baara sɔrɔko fanfɛ.