Farafinna sɔrɔ ko

JNIM jaatigɛwalekulu tun bɛ deli ka gɛrɛntɛ sigi Mali dugu dɔw kan, sisan a sera jamana faaba de ma. Kabi avirilikalo tile 30, jaatigɛwalekulu in y'a latigɛ ka gɛrɛntɛ sigi Bamako kan. O kɔlɔlɔw ye jumaw ye sɔrɔko fanfɛ? An ka sɔrɔko jɛmukan in be kuma o de kan. 

Chine y'a latigɛ ka saalen bin ka bɔ farafinna feerefɛnw kan minnu bɛ don jamana in kɔnɔ. O latigɛ lawaleyali daminɛna mɛkalo tile fɔlɔ. A bɛ ɲasin farafinna jamanaw bɛɛ ma k'a nin bɔ Eswatini na. O saalenminɛbaliya in bɛna kɛ sababu ye ka farafinna feerefɛnw caya Chine jamana kan hali n'a nafaw tɛna bonya kosɛbɛ. Latigɛ in nafaw ye jumanw ye farafinna ani Chine ma? Issouf ZERBO b'o kuma kɛ ni la Guinée sɔrɔko dɔnbaga Mamadi KEITA ye.

An ka sɔrɔko jɛmukan bɛ kuma di muso kɛnyɛrɛye cɛsirilen fila ma. A fɔlɔ ye Energy and servicies cɛgɛda ɲɛmaa Khadidiatou TAO ye. Plak solaire baarada sigibaga. A filanan ye Aïchata SOUMAHORO ye, a ka baaraw bɛnnen don siman bayɛlɛmani de ma. U bɛn'u ka baara kumaw fɔ an ye. 
 

An ka sɔrɔko jɛmukan in na, an bɛ taga sɛnɛfɛnw ni bagan yirali kɛnɛ FIARA la, a tako 26nan kɛnɛ kan o min daminɛna marisikalo tile 30 k'a kuncɛ avirilikalo tile 20 lon. An bɛna kuma bagandumuniw sɔngɔ gɛlɛya de kan ani fana gwata sɔngɔw. 

Avrilikalo daminɛ, miliyari fila ɲɔgɔn de bɔra ka tilan kunnafolidila 164 cɛ u cɛgɛdaw ka dɛmɛw hukumu kɔnɔ. Burkina Faso, san 2025, miliyɔn 320 fana dira kunnafolidiso 70 ma. O n'a ta bɛɛ u ka gɛlɛyaw ka ca sɔrɔko fanfɛ. Kunnafolidisow ka sɔrɔ siraw ye jumaw ye? Lɔgɔ un in sɔrɔko jɛmukan bɛ kuma o de kan. 

Moyen Orient kɛlɛ kɔlɔlɔw sɔrɔko fanfɛ o ma dan tajii ni gazi sɔngɔ yɛlɛli dɔrɔn ma. A bɛ se sɛnɛko ma kɛrɛnkɛrɛnnenya la tubabunɔgɔ (angɛrɛ) sɔrɔko. Kɛmɛ sarada la, diɲɛ angɛrɛ 30  de bɛ tɛmɛ Ormuz kɔgɔji sirafɛ. O sira datugulen don Iran fɛ tile 40 ɲɔgɔn kɔnɔ. O ye tubabunɔgɔ sɔngɔ gɛlɛya. Farafinna min kan, diɲɛ gɛlɛyaw bɛ dadigi kɛ, ni angɛrɛko gɛlɛya bɛ sɔn ka juguya ni ka kɔngɔ don. An ka sɔrɔko jɛmukan in kuma o de kan. 

Ka ta marisikalo tile 23 ka taa a laban a tile 27 don san 2026 in na, lajɛrɛ dɔ sigira Dakar Sénégal faaba kɔnɔ sanko ka kuma farafinna tilebenyanfan jamana 15w ka kurankow kan. CEDEAO tun ye baarabolo dɔ bila senkan sanko ka jamanaw kalan ɲɔgɔn na kuran sɔrɔko fanfɛ tɔgɔ surun na WAPP, angilɛkan kan na.

O baarabolo de ye lajɛrɛ in sigi sanko ka kalan di talikɛlaw ma min b'a kuran sɔrɔko sabatili la. Jamanaw ka kuranw di ɲɔgɔn ma, o bi se ka kɛ fɛɛrɛ jɔnjɔn ye wa ka kura sɔrɔko nɔgɔya jamanadenw ma?

Issouf ZERBO b'o kuma kɛ n'a ka maa welelenw ye : Abdramane SANOGO, kuranko dɔnbaga ni WAPP baarakɛla ani Khadidiatou TAO, tile kuran sɔrɔli cɛkɛda sigibaga Energies and Servicies.

A kalo kelen ye nin ye USA ni Israël ye kɛlɛ dabɔ ni ka muguw wili Iran kan. Iran fana bɛ k'a ta juru sara. O tajurusara fɛ, bolo da Ormuz kɔgɔji tɛmɛsira kan ka kurunw ka tagakasegiw bali. Kɛmɛsara la kurun 95 balilen don ka tɛmɛ o sirafɛ n'an y'a suma ni kɔrɔlen ye. O dɔrɔn tɛ, Iran ye mugu wili a sigiɲɔgɔnjamanaw kan, u ka sɔrɔsiraw ma, kɛrɛnkɛrɛnnenya la taji ni gazi bɔcɛgɛdaw kan. O caman ka baaraw lalɔra. O kɛlɛ kɔlɔlɔw bɛ ka se diɲɛ bɛɛ lajɛnin ma, kɛrɛnkɛrɛnnenya la Farafinna.

Iran fan kelen USA ni Israël fan wɛrɛ, o bi ka mugu ci ɲɔgɔn kan kabi lɔgɔkun 3 kɔnɔ. O y'a kɛ taji ni gazi sɔngɔw bi ka yɛlɛ fɔ ka tɛmɛ diɲɛ kɔnɔ, wa a kɔlɔlɔw fana bɛ ka dadigi kɛ kabini kelen jamana caman kɔnɔ. An ka sɔrɔko jɛmukan bɛ kuma o kɔlɔlɔw de kan sɔrɔko fanfɛ diɲɛ kɔnɔ. Tajicɛgɛda Hydrodrill ɲɛmaa ni Côte-d'Ivoire taji ni gazi cɛgɛdatigiw ka jɛkulu ɲɛmaa Kamel KONE de ye Issouf ZERBO ka maa welelen ye. 

Sefawari kɛmɛ fila ni binaani, o de ye kakawo tɛrɛti filanan kilo kelen sansɔngɔ sigilen ye Côte-d'Ivoire marabaaw fɛ marisikalo tile 4 don san 2026. O kɛra jigitigɛba ye sɛnɛkɛlaw fɛ. Sabu, danfaraba b'o sɔngɔ ni tɛrɛti fɔlɔ ta kilo sɔngɔ cɛ, o min tun ye kɛmɛ duuru ni biwɔɔrɔ ye (2800). An ka sɔrɔko jɛmukan be kuma o kakawo ko de kan.