Farafinna sɔrɔ ko

Farafinna tilebinyanfanfɛ, tumadɔw la jamanaw bi latigɛw ta ka sɛnɛfɛn dɔw bɔli sɔnsori sanko a kana dɛsɛ jamanadenw fɛ ani fana bayɛlɛmalaw fɛ. Nka o latigɛ kɔlɔlɔtantɛ o sɛnɛfenw barakɛla dɔw ma. An ka sɔrɔko jɛmukan bɛna sinsin o de kan. Issouf ZERBO Titre : Sɛnɛfɛnw balibaliya ka taga kɔkan latigɛ nafaw n'a kɔlɔlɔw ye jumaw ye o sɛnɛfɛnw baarakɛlaw fɛ?

Farafinna, nafolo sɔrɔ min bɛ kɛ saalen minɛni sirafɛ, o hakɛ ka dɔgɔ kosɔbɛ kɛrɛnkɛrɛnnenya la UEMOA jamanaw kɔnɔ. San 2023 kɔnɔ, Sénégal jamana de tun b'o jamanaw bɛɛ ɲɛ saalen minɛni la ka lase a ka wagande kɔnɔ (jamana sɔrɔ 100 na, 19 tun sɔrɔla saalenw fɛ). Nafolo bɛ sɔrɔ saalen minɛni sirafɛ cogo di ka caya ni ka yurugu-yurugu kɛlɛ a ɲɛma UEMOA jamanaw kɔnɔ? Alamusalon in sɔrɔko jɛmukan bɛ kuma o de kan. Issouf ZERBO bɛ masaala n'a ka mɔgɔ welelenw ye ani fana saalen sarala dɔw ye.

Mali jamana kɔnɔ sale kuraw sigilenw minɛli daminɛra mars kalo tile 5 wa a kan ka kɛ sababu ye ka miliyari 200 ɲɔgon kafu saan kɔnɔ. Nɛgɛjuru cɛgɛdaw ni nɛgɛjurutigiw de ka kan ka salew saara ka fara dulɔmilaw kan. O kun ye ka dɔ fara jamana ka sɔrɔw kan ni lakanabaliya kɛlɛ ani ka kuranko gɛlɛya nɔgɔya. Nga jamanaden dɔw bɛ ka kanbɔ ko sale kuraw kon. An ka sɔrɔko jɛmukan bɛna kuma o sale kuraw nafaw n'u kɔlɔlɔw de kan.

RFI Mandenkan lamɛbagaw, sɔrɔko jɛmukan kanubagaw aw ni yan tuma, Aw dansɛ!

Mali marabaaw bɛna dasi 10 sale minɛ crédit 100 san kɔ. Tama 1 bɛna minɛ 20 kan, wari bɔli la nɛgɛjuru sirafɛ. Ka fara o kan, sale fana fara la dulɔ sugu dɔw kan. O latigɛ min tara Mali maraba jɛkulu fɛ février kalo tile 5 lon, a waleyali daminɛra mars kalo tile 5 lon saan 2025. Kabi n'o sale kumafɔra, jamanadenw dɔw ye kanbɔ ko sale kuraw kon. Nga o sale yɛrɛ sigi kun n'a nafaw ye jumaw ye jamana ma? Mun de kama jamanadenw bɛ ka kon? An ka sɔrɔko jɛmukan in bɛna sinsin o de kan.

Aw ye kalan kɛ fanaMALI: Kuma camanw kɔ, nɛgɛjurusira salen saraw dabɔra bi marabaaw fɛ

Kolda dugu ta kɔ san 2023, Kaolack dugu, Sénégal cɛmancɛ ni tilenbenyanfan cɛ, de ye jamana in baganmaralaw bisimila bi baganmara tɔgɔladon tako 9nan hukumu kɔnɔ. O kɛra sibiridon tɛmɛnen fevuruyekalo tile 22 san 2025.

Ka baganfɛn bayɛlɛmanenw sankɔrɔta sanko ka dumukafa sɔrɔ", o de kɛra lon in ɲanamayali baabu ye. Wa baganmaralaw bɔra jamana fan bɛɛ ka tali kɛ o la ani fana marabaaw iko jamanakuntigi yɛrɛ. Baganmaralaw y'u ka gɛlɛya lase. O gɛlɛyaw da ka juguw muso baganmaralaw ni nɔnɔbayɛlɛmalaw kan ka tɛmɛ. Sɔrɔko jɛmukan in kɔnɔ, an bɛna kuma o musow ka gɛlɛyaw de kan.

 Fewuruyekalo daminɛra, Etats-unis maraba kuraw y'a latigɛ ka u ka dɛmɛbolo USAID ka baaraw sɔnsɔri kalo kɔnɔ diɲɛ. O latigɛ kɔlɔlɔw ti fɔ ka ban kɛrɛnkɛrɛnyala farafinna jamanaw kan, olu minu ka musakaw fanba bi bɔ kɔkan. Nga mun de kama farafinna jamanaw nin sirilendon kɔkan dɛmɛw na wa fɛɛrɛw juma bɛ se ka boloda sanko ka bɔ o kɔnɔ? Issouf ZERBO n'a maa welelenw bɛna o jaabi sɔrɔko jɛmukan in kɔnɔ.

K'a daminɛ févuruyekalo in daminɛ na fɔ kalo 3, USA ka dɛmɛbolo USAID ka baaraw bi sonsori fɔlɔ diɲɛ kɔnɔ. O latigɛ de, jamana in marabaaw kuraw y'a ta tile damadɔ u sigili kɔ fanga la zanviyekalo tile 20. O kɔlɔlɔ bɛ ka ye kabini kelen farafinna jamanaw kɔnɔ kɛrɛnkɛrɛnya la.

Farafinna waribonba BAD ka jaatiw ya yira ko saan 2023 kɛyɛrɛye cɛgɛda ka juru sɔrɔw dɔgɔyala kɔsɔbɛ Guinée Bissau jamana kɔnɔ. O bɔra jurusarabaliya wa fana tilennibaliya, kiritigɛbaliya tiɲɛkan famaso. O jurusɔrɔko gɛlɛya kɔlɔlɔw ka ca. An sɔrɔko jɛmukan in na Issouf ZERBO bɛ taga n'an ye Guinée Bissau ka kuma o jurusɔrɔko gɛlɛya an'a jurusaara baliya ko kan.

Sɔrɔkɔ jɛmukan, aw ka kalo laban jɛmukan in ye kuma di muso cɛsirilɛn fila de ma  Maman Hélène ale ye dumunin fɛɛrɛ yɔro Restaurant dɔ jɔ Dakar dugu kɔnɔ, ani Kadiatou Konaté, ale ye cakada caman ɲɛma ye Kankan Guinée jamana na. U fila bɛ ye musow ta baara la

Sénégal jamana na, nburu sɔgɔn jiginni bɛ ka gɛlɛya caman lase nburudilancakɛdaw ma. Marabagaw kɛlen kɔ ka dɔ bɔ nburu sɔngɔ la. Zuwɛnkalo ni sisan cɛ, nburu dilancakɛda kɛmɛ ɲɔgɔn de datugura Sénégal. A ko bɛ cɔgɔ juman manden dugu tɔw la. Salif SAKHANOKHO n'a ka mɔgɔ welelen bɛ kuma o baabu de kan.

Sénégal marabagaw y'a latigɛ ka tiga kilo sɔngɔ sigi sefawari bi wɔɔrɔn ani dɔrɔmɛ kelen kan. Yala o bɛ sɛnɛkɛlaw nafa wa? Tiga jɔyɔrɔ ye mun ye Sénégal sɔrɔko kɔnɔ. Salif SAKHANOKHO n'a ka mɔgɔ welelenw be kuma o baabu de kan.