Knattspyrnukonan fyrrverandi Margrét Lára Viðarsdóttir er ein besta knattspyrnukona sem Ísland hefur átt og markahæsti landsliðsmaður Íslands frá upphafi. Margrét Lára ræddi ævisögu sína; MLV9 - Ástríða fyrir leiknum, hugmyndina að bókinni og af hverju hún ákvað að gefa út ævisögu sína. 

Körfuboltamaðurinn Kristófer Acox, fyrirliði Vals, fór yfir viðskilnaðinn við íslenska landsliðið og ósættið við landsliðsþjálfarann Craig Pedersen, ræddi tímabilið framundan með Val og spáði í spilin í Bestu deildunum og ensku úrvalsdeildinni ásamt íþróttablaðamanninum Aroni Elvari Finnssyni.

Þorsteinn Halldórsson, þjálfari íslenska kvennalandsliðsins í fótbolta, gerði upp frammistöðu Íslands á Evrópumótinu í Sviss í sumar og ræddi framtíð sína með kvennalandsliðið, spáði í spilin í Bestu deildunum og ensku úrvalsdeildinni og fór yfir fréttir vikunnar ásamt íþróttablaðamanninum Aroni Elvari Finnssyni.

Bjarni Helgason hitaði upp á léttu nótunum fyrir þriðja leik Íslands gegn Noregi á Evrópumóti kvenna í fótbolta ásamt samfélagsmiðlastjörnunni Gústa B. og íþróttafréttamanninum Helga Fannari Sigurðssyni á DV.is.

Bjarni Helgason hitaði upp á léttu nótunum fyrir annan leik Íslands gegn Sviss á Evrópumóti kvenna í fótbolta ásamt samfélagsmiðlastjörnunni Gústa B. og íþróttafréttamanninum Helga Fannari Sigurðssyni á DV.is.

Bjarni Helgason fór yfir fyrsta leik Íslands gegn Finnlandi á Evrópumóti kvenna í fótbolta á léttu nótunum ásamt samfélagsmiðlastjörnunni Gústa B. og þá ræddu þeir félagar einnig um nýjustu vendingar í svissnesku borginni Thun þar sem þeir munu dvelja á meðan Evrópumótið stendur yfir.

Bjarni Helgason hitaði upp á léttu nótunum fyrir fyrsta leik Íslands gegn Finnlandi á Evrópumóti kvenna í fótbolta sem hefst í Sviss á morgun ásamt samfélagsmiðlastjörnunni Gústa B. og íþróttafréttakonunni Eddu Sif Pálsdóttur á Rúv.

Arnar Grétarsson, fyrrverandi þjálfari Vals í Bestu deildinni, fór yfir viðskilnaðinn við Val, gerði upp frammistöðu íslenska landsliðsins í nýliðnum landsleikjaglugga og spáði í spilin fyrir lokaumferðir Íslandsmótsins ásamt íþróttablaðamanninum Aroni Elvari Finnssyni.

Ásta Eir Árnadóttir, fyrirliði Breiðabliks, og Elísa Viðarsdóttir, fyrirliði Vals, hituðu upp fyrir úrslitaleik liðanna í Bestu deildinni í fótbolta sem fram fer á Hlíðarenda á morgun. Þá ræddu þær einnig um enska boltann ásamt því að fara yfir helstu fréttir vikunnar.

Ólafur Ólafsson, fyrirliði Grindavíkur í körfubolta, gerði upp síðasta tímabil þar sem jarðhræringarnar á Reykjanesskaga höfðu mikil áhrif á bæði liðið og bæjarfélagið, ræddi um flutningana úr Grindavík, framtíðina og framtíð körfuboltans í Grindavík ásmt íþróttablaðamanninum Aroni Elvari Finnssyni.