អ៊ុយក្រែន​នឹង​មាន​អនាគត​នៅ​ក្នុង​សហភាពអឺរ៉ុប។ នេះ​ជា​ការថ្លែង​របស់​ប្រធានគណៈកម្មការអឺរ៉ុប លោកស្រី អួរស៊ូឡា វ៉ុនឌែរ ឡេយែន នៅក្នុងសន្និសីទ​កាសែតរួម ជាមួយ ប្រធានាធិបតី​អ៊ុយក្រែន លោកហ្សេឡេនស្គី។ ដំណើរទស្សនកិច្ច​របស់​ថ្នាក់ដឹកនាំ​អឺរ៉ុប​នៅទីក្រុងកៀវ​ធ្វើឡើង នៅ​ខណៈពេល​ដែល​រុស្ស៊ី​កំពុង​បែរយុទ្ធសាស្រ្ត​វាយក្រសោប​យក​តំបន់​ដុនបាស់ ភាគខាងកើត និង​ខាងត្បូង​របស់​អ៊ុយក្រែន។ នៅថ្ងៃ​សុក្រ ម្សិលមិញ ការវាយប្រហារ​មីស៊ីលសំដៅ​ស្ថានីយ៍រថភ្លើង​តំបន់​ដុនបាស់ បាន​សម្លាប់​មនុស្ស​ប្រមាណ ៥០នាក់