គ្រោះរញ្ជួយដីនៅតួកគី និងស៊ីរី ​​បានបណ្តាលឲ្យ​មនុស្ស​ស្លាប់ ប្រមាណជាង​ ៣៥ ២០០​​នាក់​។ ក្នុងនោះ នៅ​ភាគី​ខាង​ស៊ីរី មាន​ស្លាប់មនុស្ស​​ជាង ​៣​ ៥០០ នាក់។ នេះបើតាម​ទិន្នន័យ​របស់​អង្គការ​សហប្រជាជាតិ ក៏ប៉ុន្តែ ប្រធានអង្គការ​សុខភាព​ពិភពលោក បាន​លើកឡើងថា ​ជនរងគ្រោះពិតប្រាកដ​ អាច​នឹង​មានចំនួន​ច្រើន​ជាង​ទិន្នន័យ​នេះ​ ឬ​អា​ច​«គុណ​នឹង​ពីរ​ផង»។ ​ការិយាល័យ​មនុស្ស​ធម៌​របស់​អង្គការ​សហប្រជាជាតិ (OCHA) ផ្តល់​ទិន្នន័យថ្មីថា អ្នក​ស្លាប់​នៅ​ស៊ីរី មានជាង​ ៤​​៣០០នាក់ ហើយ​របួស ជាង​ ៧​ ៦០០នាក់។​ ​ជនរងគ្រោះ​បន្ត​ខ្វះ​ជំនួយ​ឧបត្ថម្ភ ក្នុង​កាលៈទេសៈ​អាកាសធាតុ​ត្រជាក់​ខ្លាំង ហើយ​និង​ខ្វះ​ជម្រក​ស្នាក់នៅ។​ ​

ទីបំផុត​ទៅ ប្រធាន​ក្រុម​ហ៊ុន​សហគ្រាស​សំណង់​ ជាង​ ១០ ត្រូវ ​រដ្ឋាភិបាល​តួកគី ​ចាប់ខ្លួន​ ហើយ​ដីកាកោះ​ហៅ​ កំពុង​មា​នជា​ហូរ​ហែ​។ អ្នក​ម៉ៅការ​សំណង់​ជាង​១០០ ក៏ត្រូវ​ចាប់ខ្លួន​ដែរ។ ​