پنے بت تراش والد اور دیگر لوگوں کو حق و باطل کا فرق سمجھانے کی انتہائی کوششیں ‘ عقیدہ ٔ توحید پر ایمان لانے کے بعد حق کے لیے ‘ ایمان کی حفاظت کے لئے ‘ یکے بعد دیگرے آپ نے بہت کچھ سہا، بہت کچھ برداشت کیا ۔ اپنے والدین ‘عزیز و اقارب اور اپنے ہی وطن کے لوگوں کی طرف سے خود پر هہونے والے ظلم کو سہنا ، اپنے وطن عزیزکو خیر آباد کہنا، حضرت سارہ علیہ السلام کی جدائی، حضرت ہاجرہ علیہ السلام اور ننھے اسماعیل علیہ السلام کے ساتھ تنہا ایک ویران و بے آب و گیاہ علاقے میں بسنا۔ تصور کیجئے اس تپتے ریگستانی صحرا میں جہاں دور دور تک زندگی کے آثار نظر نہ آتے ہوں، ایسی جگہ اپنے لخت جگر اور محبوب بیوی کے ساتھ سفر اور اس کے بعد اسی لخت جگر کو خواب میں اپنے ہی ہاتھوں قربان کرتا دیکھ کر اسے اپنے حبیب کا حکم، اپنے معبود برحق کا فرمان جان کر اس خواب کو حقیقت کا رنگ دینے کے لیے خود کو، بیوی کو، تیار کر لینا خالق حقیقی سے عشق کی انتہا کا ایک بے مثال و بے نظیر واقعہ ہے۔

بچوں کے بے مصرف وقت گزاری نے والدین کو متفکر کردیا ہے۔ بعض والدین جو بچوں کے مستقبل کے لیے زیادہ پریشان ہیں وہاں نفسیاتی امراض جیسے اضطراب، بےچینی، ڈپریشن اور مایوسی، ان سیکوریٹی ، عدم تحفظ کے احساس نے جگہ لے لی ہے ۔ بچوں کی تعلیمی ضروریات کی عدم تکمیل انہیں ہمہ وقت پریشان رکھتی ہے۔ اس سلسلے میں سب سے زیادہ تکلیف دہ مرحلہ غریب والدین کے لیے کارپوریٹ میڈیا کے کمرشیل ایڈورٹائزنگ ایجنسیاں ہیں جو عام انسان کو اپنی بساط میں خوش رہنے بھی نہیں دیتیں ۔کم سرمائے پر کفایت شعاری سے گزر بسر کرنے والے بچوں کے والدین نے موبائل ڈیٹا کے خرچ کو جیسے تیسے برداشت کر ہی لیا تھا اور موبائل پر آن لائن پڑھائی میں مشغول  تقریباََ 6.1ملین طلبہ و طالبات آن لائن ایجوکیشن لے رہے ہیں۔ :30فیصد طلبہ کی تعداد ہرسال بڑھ رہی ہےباوجود اس کے کہ یہ پورے بھارت کے طلبہ کا ریشو نہیں ہے بڑے پیمانے پر طلباء کا بہت بڑا نقصان ہے ۔ ایجوکیشنل سائٹس اور گورنمنٹ کے ایجوکیشنل سائٹس میں پرائیویٹ تعلیمی ادارے اور سرکاری اداروں کی تفریق ڈجیٹل ورلڈ میں بھی واضح طور پر موجود ہے ۔

حضرت ابراہیم علیہ السلام کی زندگی میں ہر شخص کے لئے اسوہ اس وجہ سے ہے کہ انہوں نے توحید الٰہی کی ازلی اور ابدی صداقتوں پر سب سے پہلے لبیک کہا اور ہر طرف سے کٹ کر، سارے جہاں سے بیزار ہو کر، قول و عمل و نظر و فکر کی پوری حاضری کے ساتھ کلیۃ آپ کی زندگی رب العالمین کے لئے ہو گئی ۔حضرت ابراہیم علیہ السلام کے بارے میں اللہ تعالیٰ کا قرآن کریم میں ارشاد ہے کہ’’ ہم نے انہیں مختلف آزمائشوں میں ڈالا، جب وہ ہر امتحان و آزمائش میں کامیاب ہوئے تو ہم نے انہیں نسل انسانی کا امام بنا دیا ۔‘‘

مفکر اسلام اور مصنف خرم مراد ۳ نومبر ۱۹۳۲ کو بھوپال میں پیدا ہوئےاور ۱۹ دسمبر ۱۹۹۶ کو اس دنیا سے رخصت ہوئے۔اس طرح آپ نے ۶۴ سال کی عمرپائی۔آپ جماعت اسلامی پاکستان کے نائب امیر رہے ہیں ۔بہ حیثیت داعی آپ کے خطبات نے ساری دنیا کو متاثر کیا اور بہ حیثیت مربیّ آپ نے نئی نسل کی کردار سازی اورذہن سازی میں نمایا ں کردار اداکیا ہے۔آپ کی یہ کتاب ۱۰۱ صفحات پر مشتمل ہے۔کتاب کے سرورق پر جوتصویر پیش کی گئی ہے وہ نہایت بامعنی ہے۔کثرت میں وحدت کا جو تاثر دیا گیا ہے وہی کتاب کا مدّعا ہے۔اس میں انقلاب،اخوت،تنظیم،تربیت اور دعوت کے عنوان سے پانچ ہاتھ ایک دوسرے کو مضبوطی سےتھامے ہوئے ہیں جو یوں ہم آہنگ ہیں کہ انہیں ذرائع سےکارکنوں کے باہمی تعلقات مضبوط سے مضبوط تر کئے جاسکتے ہیں۔اس کتاب کامطالعہ بہ حیثیت مسلمان عمومی اور بہ حیثیت رکن جماعت خصوصی طور پر ناگزیر ہے بلکہ اولین شرط ہے۔کتاب کیا ہے گویا دریا کوکوزے میں بند کردیا ہے۔

اہلِ ایمان کو اسلام نے یہ رہنمائی دی ہے کہ ایک مسلمان دوسرے مسلمان کے تعلق سے ہمیشہ نیک گمان رکھے۔ یہاں پر اپنے دل و دماغ کے اندر برے خیالات کو پالنے اور اسے پروان چڑھانے سے قطعاً روکا جا رہا ہے۔بدگمانی ایک مہلک بیماری ہےجو غصہ، غیظ و غضب، نفرت، حسد و بغض جیسے بنیادی عناصر سے ظہور عمل میں آتا ہے۔شریعتِ مطہرہ نے بدگمانی سے مطلقاً روکا ہے۔ ان تنبیہات سے خود بخود یہ نتیجہ نکلتا ہے کہ جب آدمی گمان کر رہا ہو تو یہ سوچے کہ کیا یہاں پر فی الواقع اس گمان کی معقول وجہ میرے پاس ہے؟مجھ سے کہیں گناہ کا عمل تو سرزد نہیں ہورہا؟ یہ احتیاط لازماً ہر وہ شخص کرے گا جو اللہ اور روزِ آخر سےخوف کھاتا ہو۔ ایک مسلمان دوسرے مسلمان کے بارے میں نیک گمان رکھے۔ إلّا یہ کہ یہ ثابت ہوجائے کہ وہ اس نیک گمانی کا سزاوار نہیں ہے،تو اس کی یہ نیک گمانی، اخوت و محبت کا لازمی تقاضا بن جائے گی۔روزمرہ کی زندگی میں نوعِ انسان کو جن سے سابقہ پیش آتا ہے ان کی بابت کوئی اچھا یا برا گمان دل میں پیدا ہوجانا ایک فطری امر ہے۔ بدگمانی انفرادی و اجتماعی، تنظیمی و خاندانی تعلقات کے اندر بگاڑ، مخالفت اور غلط فہمیوں کا ظہور پیدا کرتی ہے۔

طائف مکہ سے تقریباً چالیس میل کے فاصلے پر خوب صورت وادیوں ، زرخیز باغات اور ہیبت ناک پہاڑیوں سے مزین علاقہ ہے۔ یہ علاقہ پہلے پورا کا پورا پہاڑیوں سے ڈھکا ہوا تھا۔اس زمانے میں اس کے بہت سے حصوں کو کاٹ کر راستے بنائے گئے اور یہ راستہ واقعی خوبصورت ہے ،آنکھوں کو مسحور کردینے والا۔ جب آپ طائف کی طرف سفر کرتے ہیں تو یہ سارے مناظر آپ کے تخیل کی آنکھوں میں چلنے لگتے ہیں۔رسول اللہ صلی اللہ علیہ وسلم نے جب دیکھا کہ مکہ میں مظالم اپنے انتہا کو پہنچ چکے ہیں تو آپ صلی اللہ علیہ وسلم نے مکہ سے باہر کی طرف نظر دوڑائی۔ مکہ کے مشرکین برسوں سے شرک اور بت پرستی میں مبتلا تھے اور پیغام حق کو قبول کرنے کے لئے راضی نہیں تھے۔ ایسے میں آپ ؐ کی نظر انتخاب طائف پہ پڑی۔ طائف مکہ سے مشرق کی جانب ایک علاقہ ہے۔ مکہ کے سرداروں نے یہاں کوٹھیاں بنا رکھی تھیں ، قبیلہ ثقیف یہاں آباد تھا۔

اللہ تعالی نے انسان کو جن بڑی بڑی نعمتوں سے نوازا ہے ان میں سے ایک بڑی نعمت اولاد ہے۔قرآن میں اولاد کا ذکر خوش خبری کے طور پہ کیا گیا ہے۔اولاد(بچے) دنیاوی زندگی کی رونق اور زینت ہیں۔انسانی زندگی خوبصورت ہے مگر اس کا خوبصورت ترین حصہ بچپن ہے اور بچے پھولوں کے مانند ہوتے ہیں۔والدین کے لئے اولاد ایک غمخوار اور مددگار کی حیثیت بھی رکھتی ہے۔اولاد سے والدین کی بہت ساری توقعات ہوتی ہیں مگر اولاد والدین پر جو سب سے بڑاحق رکھتی ہے وہ تربیت کا ہے۔اسی لئے تمام والدین کو اس معاملے میں بہت فکر مند اور ذمہ دار ہونا چاہئے۔اچھی اور بہترین تربیت،محبت اور نرمی سے ممکن ہے نہ کہ مار اور تشدد سے۔کیونکہ مارنا پیٹنا اسلامی تعلیم کا سسٹم نہیں ہے۔یہ آپ ؐ کی تعلیمات کے خلاف ہے۔اسلام سب سے پہلے نرمی کے ساتھ سمجھانے کی تعلیم دیتا ہے۔اسی لئے والدین کو چاہئے کہ بچوں پہ تشدد کرنے کے بجائے محبت کا رویہ اختیار کریں اپنے طریقے کو تبدیل کریں کیونکہ بچے محبت کے بھوکے ہوتے ہیں۔محبت سے وہ جلد اطاعت کی طرف مائل ہوتے ہیں۔ مگر کبھی ایسا ہو کہ والدین کی نرمی کے باوجود بھی بچے نافرمانی پر آمادہ ہوجائیں تو ایسی صورت میں جتنی بچے کی غلطی ہے اتنی ہی سزا دی جائے۔اس پر حد سے زیادہ تشدد نہ کیا جائے۔

غیر مرئی اور انجانے وائرس کورو نا نے 2020کے دوران دنیا کی تما م توجہات اور تفکرات اپنی سمت سمیٹ لیں۔سال کے آخری ایام کے آتے آتے یوں لگا جیسےیہ عالمی مسئلہ اب ختم ہو گیااور وبائی ماحول نارمل ہوا چاہتا ہے۔2021کو لوگ امید بھری نظروں سے دیکھ رہے تھے،لیکن کسے پتہ تھا کہ یہ سال اپنے دامن میں امید نہیں بلکہ مزید تفکرات لے آئے گا۔2021کا تقریباً نصف سال حکومتی نادانیوں اورکووڈ کی قہرسامانیوں کی نذر ہوگیا ۔

شیطان انسان کا کھلا دشمن ہے۔اس کی دشمنی کی شروعات سب سے پہلے جنت میں میں آدم علیہ السلام اور حوا علیہ السلام سے ہوئی۔جب اللہ تعالی نے آدم علیہ السلام کی تخلیق کی تو تمام فرشتوں کو سجدے کا حکم دیا۔

اس وقت ہمارا قدرتی ماحول،ہماری زمین اور اس کے وسائل شدید خطرات کی زد میں ہیں۔اس کا اصل سبب ترقی کی دوڑ اور زیادہ سے زیادہ پر تعیش زندگی کی ہوس ہے۔بڑھتی ہوئی صنعت کاری، آمدورفت کے بڑھتے ہوئے ذرائع اور شہر کاری Urbanizationیہ تمام جدید تہذیب وتمدن کی نشانیاں ہیں۔یہ اور اس جیسے کئی عوامل مل کر ماحول کو آلودہ کرنے میں بہت اہم رول ادا کررہے ہیں ۔جنگلات کی صفائی ایندھن،گاڑیوں سے نکلنے والا دھواں، فیکٹریوں سے نکلنے والا دھواں،دنیا کے مختلف خطوں میں آئے دن ہورہی جنگوں میں استعمال مہلک بارود، فضا ئی آلودگی کا سبب ہیں ۔ لکڑی، کوئلہ، پٹرول، گیس کا استعمال فی زمانہ بطور ایندھن ہوتا ہے۔ 20 فیصد فضائی آلودگی کے ذمہ دار فیکٹریاں ہیں جن سے انتہائی مہلک گیسوں کا اخراج ہوتا ہے جو انسانی صحت کے لیے انتہائی مضر ہوتی ہیں ۔