Hlaðvarpsþátturinn Handboltinn okkar var á ferðinni. Að þessu sinni fjölluðu umsjónarmenn þáttarins  um seinni leik Vals og Hauka í úrslitaeinvíginu í Olísdeild karla

Valsmenn mættu virkilega ákveðnir til leiks í gær og það var greinilegt að þær ætluðu sér að landa þeim stóra og þeir félagar hrósuðu Antoni Rúnarssyni sérstaklega en þeim fannst hann vera frábær í úrslitakeppninni og stýrði sínum mönnum virikilega vel. Þá hrósaði þríeykið Snorra Steini Guðjónssyni þjálfara Vals en þeim félögum finnst hann hafa verið að sýna að hann er virkilega fær þjálfari  Haukarnir hins vegar ollu þeim miklum vonbrigðum en þeir hreinlega mættu aldrei í þessa veislu sem úrslitaeinvígið var. Alltof margir leikmenn hjá þeim virtust ekki tilbúnir í þetta einvígi og virtist sem að Haukaliðið væri að láta hluti fara í taugarnar á sér.

Að lokum tóku þeir félagar smá spjall um dómarar en þeim fannst Anton og Jónas dæma leikinn virkilega vel og sýndu enn einu sinni að þeir eru besta dómarapar landsins og þríeykið hvatti aðra dómara að taka sér þeirra nálgun í leikjum.

Hlaðvarpsþátturinn Handboltinn okkar var á ferðinni. Að þessu sinni fjölluðu umsjónarmenn þáttarins  um fyrri leik Vals og Hauka í úrslitaeinvíginu í Olísdeild karla

Mikið jafnræði var með liðnum í upphafi leiks á Hlíðarenda þar sem að markmenn liðanna voru í miklu stuði. Valsmenn náðu forystunni eftir 10 mínútna leik sem þeir héldu allt til loka leiks þrátt fyrir harða atlögu frá Haukunum.  Þeim félögum fannst þeir Svavar og Sigurður falla aðeins á prófinu í dag en þeim fannst dómararnir hafi átt að gefa Þránni Orra rautt spjald þegar hann fór í andlitið á Arnóri Snæ Óskarssyni leikmanni Vals.

Þá undir lok þáttar þá fóru þeir yfir Final4 í Meistaradeild karla og þá lýstu þeir yfir undrun á því að enginn íslensk sjónvarpsstöð hafi séð sóma sinn í að sína hvorki frá Final 4 karla né kvenna.

Hlaðvarpsþátturinn Handboltinn okkar var á ferðinni í kvöld þar sem þeir tóku upp sinn 70.þátt. Að þessu sinni fjölluðu umsjónarmenn þáttarins  um seinni leikina í undanúrslitum í Olísdeild karla

Að Ásvöllum tóku heimamenn í Haukum á móti Stjörnunni þar sem að gestunum tókst heldur betur að gera atlögu að sæti í úrslitum með því að veita Haukum harða keppni. Garðbæingar náðu að sýna að það eru veikleikar í þessu Haukaliði en því miður fyrir gestina reyndust Haukar þó aðeins sterkari á lokakaflanum.

Valsmenn tóku á móti ÍBV að Hlíðarenda í hreint út sagt geggjaðir stemmningu. Leikurinn var mjög kaflaskiptur þar sem að heimamenn voru með frumkvæðið lengst af. En gestirnir úr eyjum neituðu að gefast upp og náðum góðum lokakafla en það var þó fyrir frábæran varnarleik hjá Einari Þorsteini Ólafssyni að Valsmenn náðu að komast í úrslitaeinvígið gegn Haukum í næstu viku.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um fyrri leikina í undanúrslitum í Olísdeild karla

Í Vestmannaeyjum áttust tóku heimamenn á móti Valsmönnum þar sem var boðið uppá hörkuleik. Valsmenn reyndust sterkari aðilinn í seinni hálfleik og fóru með sigur af hólmi. Lokamínúta leiksins var þó æði skrautleg þar sem að Agnar Smári Jónsson gerði sig sekan um klaufaskap þegar hann hindraði ÍBV í að taka innkast og dómarar leiksins dæmdu víti og gáfu Agnari rautt spjald sem var hárréttur dómur hjá góðum dómurum leiksins þeim Antoni Gylfa Pálssyni og Jónasi Elíassyni. Heimamenn skoruðu úr vítinu og náðu að minnka muninn niður í 2 mörk en Anton  Rúnarsson náði að skora mark fyrir Valsmenn frá miðju og tryggði þeim þriggja marka sigur og þetta mark gæti reynst dýrmætt í þessu Evrópukeppnis fyrirkomulagi.

Í Garðarbænum byrjuðu heimamenn virkilega vel í leiknum gegn Haukum en þeir komust í 4-1. En það tók gestina ekki langan tíma að átta sig á því leikurinn væri hafinn og náðu fljótt undirtökunum á leiknum. Heimamenn reyndu hvað þeir gátu að minnka muninn en Haukarnir sigldu sigrinum heim að lokum 28-23. Umdeilt atvik varð í leiknum þegar að Björgvin Páll Gústavsson markvörður Hauka fór með fótinn í andlitið á leikmenni Stjörnunnar og þáttastjórnendur þáttarins voru allir sammála um að Björgvin Páll hefði verskuldað rautt spjald fyrir þetta framferði.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um seinni leik Vals og KA/Þórs í úrslitaeinvíginu um Íslandsmeistaratitilinn í Olísdeild kvenna.

Norðanstúlkur voru með frumkvæðið allan leikinn en þó gerðu Valsstúlkur áhlaup undir lok leiksins en enn allt kom fyrir ekki og KA/Þórs liðið stóðs það áhlaup eins og flest önnur sem þær hafa fengið á sig í vetur og unnu að lokum tveggja marka sigur og urðu þar með Íslandsmeistarar í fyrsta skipti í sögu félagsins.

Þeir félagar völdu besta leikmann úrslitakeppninnar en að þeirra mati var það Rut Arnfjörð Jónsdóttir sem þeim fannst vera best í ár.

Því næst kíktu þeir á leikina sem eru framundan í undanúrslitum í Olísdeild karla þar sem þeir félagar eiga von á hörku einvígi hjá ÍBV og Val en þeim finnst líklegt að Haukar sigli þæginlega í gegnum Stjörnuna.

Undir lok þáttar fóru þeir yfir það slúður sem þeim hefur borist til eyrna.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um seinni leiki Selfoss og Stjörnunnar annars vegar og Vals og KA hins vegar í 8-liða úrslitum í Olísdeild karla.

Leikurinn á Selfossi var kaflaskiptur þar sem að nokkuð jafnræði var með liðnum í fyrri hálfleik. En í seinni hálfleik byrjuðu heimamenn mun betur og skoruðu fimm fyrstu mörk hálfleiksins. Þá tekur Patrekur Jóhannesson þjálfari Stjörnunar leikhlé og endurskipuleggur leik sinna manna og við það ná gestirnir að snúa leiknum við sér í vil.

Það var hins vegar ekki mikið um spennu í leik Vals og KA þar sem að Valsmenn voru með yfirhöndina í leikjum og sem og í fyrri leiknum. Þeir félagar voru hins vegar á því að dómarar leiksins hafi gert mistök þegar þeir ákváðu að gefa Agnari Smára Jónssyni rautt spjald í leiknum

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um seinni leiki Hauka og Aftureldingar annars vegar og FH og ÍBV hins vegar í 8-liða úrslitum í Olísdeild karla.

Leikur Hauka og Aftureldingar var engin flugeldasýning og spilamennska mosfellingar var mikil vonbrigði og félagarnir í hlaðvarpsþættinum vonuðust eftir að þeir myndu gefa Haukum meiri samkeppni.

Leikur FH og ÍBV var hins vegar háspennu leikur þar sem spennustigið var hátt eðli máli samkvæmt.  FH-ingar voru með frumkvæðið í leiknum og var útlit fyrir að þeir myndu vinna þetta einvígi en þegar að 2 mínútur voru eftir gerði Arnar Freyr Ársælsson leikmaður FH sig sekan um dómgreindarleysi þegar hann lét reka sig útaf fyrir kjaftbrúk. Vestmannaeyingar nýttu sér liðsmuninn og komust inní leikinn og fór svo að lokum að þeir skoruðu jöfnunarmarkið þegar nokkrar sekúndur voru eftir og tryggði ÍBV þannig áfram í undanúrslitin.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um fyrsta leik á milli KA/Þórs og Vals í úrslitaeinvíginu í Olísdeild kvenna.

Það var boðið uppá háspennu leik í KA-heimilinu þar sem að liðin sýndu góðan handbolta. Það vakti sérstaklega athygi þrautseigja norðanstúlkna sem hætta aldrei og eru ótrúlega skynsamar í sínum sóknarleik. Það er ljóst að nú eru Valsstúlkur komnar með bakið uppvið veggin fræga þegar þær fara á sinn heimavöll á sunnudaginn og þær þurfa að finna leiðir til þess að koma Theu Imani Sturludóttur meira inní sóknarleik liðsins ef þær ætla sér að eiga möguleika að fara í oddaleik.

Þá vildu þeir hrósa Stöð2Sport fyrir þeirra framlag í umgjörðinni í þessum leik þar sem þeir mættu á staðinn og voru með flottan panel með tveimur sérfræðinum og lýsarar voru á staðnum.  Og þeir vona svo innilega að þetta sé sá metnaður sem koma skal hjá fólkinu á Suðurlandsbrautinni.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um leikina 2 í 8-liða úrslitum Olísdeildar karla sem fram fóru í kvöld auk þess að taka fyrir leik Kríu og Víkinga í leik um sæti í Olísdeild karla á næstu leiktíð.

Valsmenn sýndu mátt sinn fyrir norðan og virðast vera að koma upp á réttum tímapunkti. En að sama skapi virkuðu KA menn frekar daufir í leiknum og á tímabili var Árni Bragi Eyjólfsson sá eini í liði norðanmanna sem var með lífsmarki en hann skoraði 15 mörk í leiknum.

Leikur Stjörnunar og Selfoss var hörkuleikur þar sem var boðið uppá Mýrinni í kvöld. Selfyssingar voru þó ávallt með frumkvæðið í leiknum. Þeir félagar voru gríðarlega ánægðir með innkomuna hjá Ískai Gústafssyni sem hreinlega fór á kostum í leiknum.

Í lok þáttar fóru þeir yfir leik 2 í Kríunar og Víkings í úrslitaeinvíginu um laust sæti í Olísdeild karla ÞAr sem að Krían gerðu sér lítið fyrir og unnu leikinn 20-17 og þar með einvígið 2-0 og munu því spila í Olísdeild karla á næstu leiktíð.

Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um leikina 2 í 8-liða úrslitum Olísdeildar karla sem fram fóru í kvöld.   Það var boðið uppá hörkuleik í eyjum og voru þeir ánægðir með baráttuna hjá báðum liðum og vildu hrósa dómurum leiksins þeim Antoni og Jónasi sérstaklega fyrir að halda vel utan um leikinn.

Leikur Aftureldingar og Hauka var hins vegar aldrei spennandi og lið Hauka sýndi að enn einu sinni að þeir eru besta lið landsins og þeir félagar sjá hreinlega ekki hvaða lið eigi roð þá eins og staðan er í dag.

Í lok þáttar lýstu þeir félagar yfir vonbrigðum með Stöð2Sport með metnaðarleysi í útsendingum sínum en stöðin er aðeins með eina myndavél á leikjunum í kvöld og auk þess er lýsandinn að lýsa úr herbergi á suðurlandsbrautinni. Þeir félagar kalla eftir því að rétthafi deildanna geri betur.