ទោះជា​ហេតុការណ៍​គប់ស្បែកជើង​សំដៅ​ទៅលើ​លោក​នាយករដ្ឋមន្ត្រី ​ហ៊ុន សែន ​ប្រធាន​គណបក្ស​ប្រជាជន​កម្ពុជា ​នៅ​សហរដ្ឋ​អាមេរិក​កាលពី​សប្តាហ៍​មុន​ខណៈដែល​លោក​ទៅចូលរួម​កិច្ច​ប្រជុំកំពូល​ពិសេស​អាស៊ាន-​អឺរ៉ុប ​នៅ​សហរដ្ឋអាមេរិក​នៅតែ​អណ្តែត​នៅលើ​បណ្តាញ​សង្គម​ហ្វេសប៊ុក​នៅឡើយ​។ ទង្វើ​របស់​បុរស​វ័យ​ចំណាស់​ឈ្មោះ ​អ៊ុក ទូច ​ដែល​អះអាង​ថា​ជា​ឆន្ទៈ​ផ្ទាល់​របស់​លោក ​បាន​បង្ក​ជា​ប្រតិកម្ម ​និង​កំហឹង​ដល់​អ្នក​ស្មោះស្ម័គ្រ​នឹង​លោក ​ហ៊ុន សែន ​និង​គណបក្ស​កាន់អំណាច​យ៉ាងខ្លាំង​។ បញ្ហានេះ​ក៏ត្រូវបាន​ចោទជា​សំណួរ ​និង​ការ​បារម្ភ​ថា ​តើ​ហេតុការណ៍​នេះ ​អាចនឹង​ជះ​ឥទ្ធិពល​ដល់​បរិយាកាស​នយោបាយ​ និង​ការបោះឆ្នោត​នៅ​កម្ពុជា​ដែរ​ឬ​យ៉ាងណា​?