នៅអ៊ុយក្រែន កងទ័ព​រុស្ស៊ី និង​កងទ័ព​អ៊ុយក្រែន​កំពុងធ្វើសង្រ្គាមក្តៅគគុក នៅ​សមរភូមិ​បាក់មូត ក្នុងតំបន់ដុនបាស់ ភាគខាងកើត​អ៊ុយក្រែន។ ផ្ទុយពី​ពាក្យចចាមអារ៉ាម ស្តីពីការដក​កងទ័ព​អ៊ុយក្រែន ចេញ​ពីទីក្រុង​បាក់មូត​ដែល​កំពុង​ឡោមព័ទ្ធ​សឹងជុំជិត​ដោយ​កម្លាំងទ័ពរុស្ស៊ី មេបញ្ជាការកងទ័ព​អ៊ុយក្រែន កាលពីថ្ងៃ​ចន្ទ ប្រកាស​បញ្ជូនទ័ពបន្ថែម ទៅជួយប្រយុទ្ធ  ការពារ​ទីក្រុង​បាក់មូត។ រុស្ស៊ី និង​អ៊ុយក្រែនបាត់បង់ជីវិតទាហាន​របស់ខ្លួនច្រើនណាស់ នៅក្នុង​សមរភូមិ​បាក់មូត។ តើបាក់មូត សំខាន់ប៉ុណ្ណាក្នុង​យុទ្ធសាស្រ្ត​របស់រុស្ស៊ី និងអ៊ុយក្រែន?