នៅក្រោយ​ការចរចា​យ៉ាងស្វិតស្វាញ ជាង ៤ម៉ោង កាលពីថ្ងៃ​អង្គារទី ២៨​មិថុនា តួកគីដក​វេតូ លែង​ប្រឆាំង​សមាជិកភាព​របស់​ស៊ុយអែត និង​ហ្វាំងឡង់ តទៅទៀត និង​បាន​ចុះ​ហត្ថលេខា​លើ​អនុស្សារណៈរួម ជាមួយ​ស៊ុយអែត និង​ហ្វាំងឡង់ ដែល​បើកផ្លូវ​ឲ្យ​ស៊ុយអែត និង​ហ្វាំងឡង់​អាច​ចូលជា​សមាជិកថ្មី​ពីរបន្ថែម​ទៀត​របស់​អង្គការនៃសន្ធិសញ្ញា អាត្លង់ទិក​ខាងជើង ហៅកាត់ជាភាសា​បារាំងថា អូតង់។ នៅ​ថ្ងៃ​អង្គារ នៅក្រោយ រដ្ឋមន្រ្តី​ការបរទេស​តួកគី ស៊ុយអែត និង​ហ្វាំងឡង់ ចុះហត្ថលេខា​លើ​អនុស្សារណៈរួម វិមាន​ប្រធានាធិបតី​តួកគី​បាន​ចេញ​សេចក្តីថ្លែងការណ៍​ដែលថា តួកគី​បាន​ទទួលអ្វីដែល​ខ្លួន​ធ្លាប់ទាមទារ​ចង់បាន។