អ្នក​ចេញ​មុខ​ប្រឆាំង​ខ្លាំងៗ​ទៅ​លើ​រដ្ឋាភិបាល​កម្ពុជា​បាន​បន្ត​ចុះ​ចូល​ជា​មួយ​គណ​បក្ស​កាន់​អំណាច​បន្ថែម​ទៀត​នៅ​ប៉ុន្មាន​ថ្ងៃ​ចុង​ក្រោយ​នេះ​ ដើម្បី​បាន​ចេញ-ចូល​កម្ពុជា ​និង​រួច​ផុត​ពី​ការ​ជាប់​ទោស​។​ លោក​ ហ៊ុន សែន ​និង ​លោក ​ហ៊ុន ម៉ាណែត ​បាន​ស្វាគមន៍​អ្នក​ប្រ​ឆាំង​ទាំង​នោះ ​ដូច​ជា​ លោក ​មុំ​ អហ្សានី ​អតីត​យោធា​លំហ​សមុទ្រ ​និង​ លោក ​គង់ ​សភា ​អតីត​តំណាង​រាស្ត្រ​បក្ស​ប្រឆាំង​ និង​ជា​​អតីត​ជន​រង​គ្រោះ​ដែល​ត្រូវ ​បាតុករ​វាយ​នៅ​មុខ​រដ្ឋ​សភា​។​ អ្នក​តាមដាន​សភាព​ការណ៍​នយោបាយ​ កត់​សំគាល់​ថា​ ការ​ចុះចូល​របស់​អ្នកប្រ​ឆាំង​ខ្លះ ​ដោយ​សារ​តែ​ភាព​ទាល់​ច្រក​ និង​អ្នក​ខ្លះ​ដើម្បី​ចង់​បាន​ផល​ប្រយោជន៍​។​